ފުވައްމުލަކު ސިޓީގެ ކްލަސްޓާއިން ކޮވިޑަށް ޕޮޒިޓިވް ވީ މީހުންގެ އަދަދު 28 އަށް އަރައިފިއެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ގައި ރޭ ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ ޑިރެކްޓަރު އަހުމަދު ނާސިރު ވިދާޅުވީ، ފުވައްމުލަކުން އިތުރު މީހަކު ކޮވިޑަށް ޕޮޒިޓިވްވެފައިވާ ކަމަށެވެ.
އެއާއެކު ފުވައްމުލަކު ކްލަސްޓާއިން ޕޮޒިޓިވްވީ މީހުންގެ އަދަދު މިވަނީ 28 އަށް އަރައިފައެވެ.
އަރާފައެވެ. ކޮންޓެކްޓް ޓްރޭސިންގެ ތެރެއިން ހައި ރިސްކު 45 މީހަކާއި ބަލީގެ އަލާމަތްތައް ހުރި 12 މީހަކު ވެސް ފާހަގަކުރެވިފައިވާ އެ ސެންޓަރުން ހާމަކުރެއެވެ.
ޕޮޒިޓިވް ކޭސްތަކާއި ގުޅިގެން ފުވައްމުލަށް މޮނީޓަރިންގެ ހާލަތުގައި އޮތްއިރު، ހަތް ދުވަހުގެ މުއްދަތަށް ކޮންމެ ރެޔަކު 8 އިން ފެށިގެން ފަތިހު 4 އަށް އެ ރަށުގައި ކާފިއު ހިންގުމަށް އެޗްޕީއޭ އިން ވަނީ ނިންމާފައެވެ