ބަލި މީހުން ބަލާ މީހުންނަށް ވެކްސިން ޖެހުމުގެ ފުރުސަތު ހުޅުވާލައިފި

ބަލި މީހުން ބަލަހައްޓާ މީހުން ކޮވިޑް-19 ވެކްސިން ޖަހަން އެޗްޕީއޭއިން އިލްތިމާސެއް ކޮށްފި އެވެ.

އެޗްޕީއޭއިން ރޭ ނެރުނު ބަޔާނެއްގައި ބުނީ އެފަދަ ފަރާތްތަކަށް ސޯޝަލް ސެންޓަރާއި އިސްލާމީ މަރުކަޒު، ހުޅުމާލެ ވެކްސިނޭޝަން ސެންޓަރު އަދި ވިލިމާލޭ ޔޫތް ސެންޓަރުން ހެނދުނު 9:00 އިން 16:30 އަށް ވެކްސިން ޖެހުމުގެ ފުރުސަތު އޮންނާނެ ކަމަށެވެ.

ބަލި މީހުން ބަލަހައްޓާ މީހުން ވެކްސިން ޖެހުމަށް އެޗްޕީއޭ އިން ބުނިއިރު، މިހާރު ވެކްސިން ދެމުން ދަނީ 18 އަހަރާއި 30 އަހަރާއި ދެމެދުގެ ހައި ރިސްކް މީހުންގެ އިތުރުން 30 އަހަރުން މަތީގެ ހުރިހާ އެންމެންނަށެވެ.

މިހާތަނަށް ރާއްޖޭގައި 75،000 އަށްވުރެ ގިނަ މީހުން ވަނީ ކޮވިޑް ވެކްސިން ޖަހައިފަ އެވެ.