ގައިޑްލައިނާ ހިލާފަށް ސޯލްޓް ކެފޭގައި މިއަދު ހަވީރު ކުރިއަށްގެންދިޔަ ކައިވެނި ޕާޓީއެއް ފުލުހުން ހުއްޓުވައިފިއެވެ.
ފުލުހުން ބުނީ ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ގައިޑްލައިނާ ހިލާފަށް ސޯލްޓް ކެފޭގައި ބޭއްވި ކައިވެނި ޕާޓީއެއް މިއަދު ހަވީރު 5:30 ހާއިރު ހުއްޓުވާފައިވާ ކަމަށެވެ. އަދި ސޯލްޓް ކެފޭ ޖޫރިމަނާވެސް ކޮށްފައިވާ ކަމަށެވެ.
ފުލުހުން ފުރަތަމަ ފަހަރަށް ސޯލްޓް ކެފޭއަށް ގޮސް ޕާޓީ ހުއްޓުވައި، ޖޫރިމަނާ ކުރި ފަހުންވެސް ޕާޓީ ހުއްޓާނުލައި ވަނީ ކުރިއަށް ގެންގޮސްފައެވެ. އެހެންވެ ފުލުހުން ވަނީ އަނެއްކާވެސް ސޯލްޓް ކެފޭއަށް ގޮސް، ޕާޓީގައި ތިބި އެންމެން ނެރެފައެވެ. އަދިވެސް ފުލުހުން އަންނަނީ ސޯލްޓް ކެފޭގައި ހަރަކާތްތެރިވަމުންނެވެ.