މިހާތަނަށް 85،110 މީހަކު ކޮވިޑް ވެކްސިން ޖަހާފައިވާ ކަމަށް ހެލްތް އިމާޖަންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފި އެވެ.
މިއަދު ވަނީ 4،962 މީހަކަށް ވެކްސިން ދީފައެވެ. އެއީ މާލެ ސަރަހައްދުން ވެކްސިން ދިން 2،700 މީހަކާއި އަތޮޅުތަކުން ވެކްސިން ދިން 2،262 މީހެކެވެ.
މިހާތަނަށް މާލެ ސަރަހައްދުން 61،777 މީހަކަށް ވަނީ ކޮވިޑް ވެކްސިން ދީފައެވެ.
އަދި އަތޮޅުތަކުން 23،333 މީހަކަށް ވެކްސިން ދީފައިވެއެވެ.
ރާއްޖޭގައި ޖަހަނީ އިންޑިއާއިން ހަދިޔާކޮށްފައިވާ ވެކްސިނެވެ. އެއީ އޮކްސްޕޯޑް-އެސްޓަރެޒެނިކާގެ ވެކްސިން ކޮވިޝީލްޑެވެ.