ހިޔާ ފްލެޓްތައް އަންނަ މަހު ހަވާލުކުރަން ނިންމާފައިވާ ކަމަށް ހައުސިން މިނިސްޓަރު އަހުމަދު އަސްލަމް ވިދާޅުވެއްޖެ އެވެ.
ރައީސް އޮފީހުން އިއްޔެ ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ އެ ފްލެޓްތަކަށް ވަދެވޭ ވަރުވާނީ އަންނަ މަހު ނިމޭ ހިސާބުގައި ކަމަށެވެ.
އަސްލަމް ވިދާޅުވީ ފްލެޓްތައް ހަވާލުކުރުމުގެ ކުރިން ފްލެޓްތައް ލިބުނު މީހުންގެ މައުލޫމާތުތައް ކަށަވަކުރުން ޖެހޭ ކަމަށާއި އެކަމަށްޓަކައި މިހާރު މުވައްސަސާތަކާ ބައްދަލުވެސް ކޮށްފައިވާ ކަމަށެވެ.
އަދި އެ މައުލޫމާތުތައް ދެ ތިން ހަފްތާ ތެރޭ ބަލައި ސައްހަކަން ކަށަވަރުކޮށްދޭން މިހާރު އެއްބަސްވެފައިވާ ކަމަށް އޭނާ ވިދާޅުވި އެވެ.
އަސްލަމް ވިދާޅުވީ ހިޔާ ފްލެޓްތަކުގެ ކަރަަންޓާއި ފެން ގުޅައިދިނުމުގެ މަސައްކަތް މިހާރު ގާތްގަނޑަކަށް ނިމިފައިވާ ކަމަށެވެ.