މިއަދު ރާއްޖެއިން 133 މީހަކު ކޮވިޑަށް ޕޮޒިޓިވްވެ މި މަހު ރިޕޯޓު ކުރި ކޭސްތަކުގެ އަދަދު 3638 އަށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ދާދި ދެންމެ އަކު އިއުލާން ކުރި ކޮވިޑް ކޭސްގެ ތަފާސް ހިސާބުތައް ދައްކާ ގޮތުގައި މިއަދު ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 117 މީހަކާއި، ރަށްރަށުން ހަތަރު މީހަކާއި ހިންގަމުން ދާ ރިސޯޓުތަކުން 12 މީހެކެވެ.
މިއަދުގެ އަދަދު ތަކާ އެކު ރާއްޖެއިން ޕޮޒިޓިވްވީ ޖުމްލަ މީހުންގެ އަދަދު މިވަނީ 19479 އަށް އަރާފައެވެ. 17002 މީހުން ބަލިން ރަނގަޅުވެފައިވާ އިރު 162 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ. ރާއްޖެއިން މިހާތަަނަށް މިބަލީގައި 60 މީހަކު ވަނީ މަރުވެފައެވެ.