ހއ. ބާރަށުން ކޮވިޑް-19 ކޭސްތަކެއް ފެނުމާ ގުޅިގެން އެރަށަށް އަރައި ފޭބުން މަނާކޮށްފިއެވެ.
ބާރަށް މޮނިޓަރިންއަށް ލާފައި ވަނީ އެ ރަށު ހޯމް ކަރަންޓީނުގައި ހުރި ނުވަ މީހަކު ކޮވިޑަށް ޕޮޒިޓިވްވުމާ ގުޅިގެންނެވެ. މި މީހުން ޕޮޒިޓިވްވެފައިވަނީ އެންމެންގެ ރިލީޒް ސާމްޕަލް ނެގި އިރުއެވެ.
އެގޮތުން ޕޮޒިޓިވްވި މީހުންގެ ތެރޭ ހައި ރިސްކު ކެޓަގަރީގައި ހިމެނޭ 65 އަހަރުން މަތީހެ މީހަކާއި ކުޑަ ދެކުއްޖަކު ހިމެނެއެވެ.
ޕޮޒިޓިވްވި މީހުންގެ ކޮންޓެކްޓުންގެ ގޮތުގައި ފާހަގަވި މީހުންގެ ސާމްޕަލްތައް ނަގަމުން އަންނަ ކަމަށް އެ ރަށު ކައުންސިލުން ބުނެއެވެ.