ޔޫތު މިނިސްޓަރު އަހުމަދު މަހުލޫފާއި ނަޒްރާ ނަސީމުގެ ދަރިކަނބަލުން ލައިބާ އަހުމަދު މަހުލޫފް (އެލީ) ގެ އުފަންދުވަހު އާންމުންނަށް މިފަހަރު ދޫކޮށްލި ލަވައިން އާންމުންނަށް އެލީ އެދުނީ ހަނގާ ކުރުމާ ދެކޮޅަށް ނިކުތުމަށެވެ.
މޯލްޑިވިއަން އައިޑޮލްއިން ފާހަގަވި ހަމޫދުއާއެކު އެލީ ކިޔާފައިވާ މި ލަވައިގެ ވީޑިއޯ ތައްޔާރު ކޮށްފައިވަނީ ލަައިޓް އައުޓްގެ ފަރާތުންނެވެ. މިއުޒިކު ތައްޔާރުކޮށްފައިވަނީ ބީޓޮލިޖީ ސްޓޫޑިއޯއިންނެވެ.
މި ލަވައިގައި ގިނަ ބައެއްގެ ބައިވެރިވުން ފެނިފައިވާ އިރު، އެންމެ ހާއްސަ ކަމަކީ އެލީގެ އިތުރުން މިނިސްޓަރު މަހްލޫފާއި އޭނާގެ އަނބިކަނބަލުން ނަޒްރާ ނަސީމް (ނަސީމް) ވެސް ބައިވެރިވެވަޑައިގެންނެވި ކަމެވެ.
ލައިބާގެ މި އިބްރަތުން ފުރިގެންވާ ލަވަ ސޯޝަލް މީޑިއާގެ އެކި ޕްލެޓްފޯމްތަކުން މީހުން ޝެއަރ ކުރަމުން ދާއިރު އެކި މުނާސަބަތުތަކާ ގުޅުވައިގެން ލައިބާ ދަނީ ލަވަ ރިކޯޑްކޮށް އާންމުންނާ ހިއްސާ ކުރަމުންނެވެ.