މިސްކިތުގައި ގައިދުރު ކުރުމަކީ ރަސޫލާ ﷺގެ ސުންނަތް މުގުރާލުން ކަމަށް ދީނީ އިލްމުވެރިޔާ ޑރ. މުހައްމަދު އިޔާޒް ވިދާޅުވެއްޖެއެވެ.
ރާއްޖޭގައި ކޮވިޑް-19 ގެ ހާލަތު ގޯސްވަމުން އަންނާތީ އިސްލާމިކް މިނިސްޓްރީން ވަނީ ގައިދުރުކަމާއެކު ސަފު ހެދުމަށް އަންގާފައެވެ.
މި އެންގުމާ ގުޅިގެން މާލޭ ސިޓީ ކައުންސިލުން އަންނަނީ މާލޭގެ މިސްކިތްތަކުގައި ގައިދުރުކަމާއެކު ނަމާދުކުރަން ފާހަގަ ވެސް ޖަހަމުންނެވެ.
ގައިދުރުކަމާއެކު ނަމާދުކުރަން ފާހަގަ ޖެހުމުގެ މަސައްކަތް ފަށާފައިވާ ކަމަށް ބުނެ ސިޓީ ކައުންސިލުން ކުރި ޓްވީޓަކަށް ކޮމެންޓް ކުރައްވާ އިޔާޒް ވިދާޅުވީ އެއީ ރަސޫލާގެ ސުންނަތް މުގުރާލަން ދެވޭ އެހީތެރިކަމެއް ކަމަށާއި އެފަދަ ނުރަނގަޅު އަމަލުތަކުން ދުރުވެ ﷲ އަށް ބިރުވެތިވުމަށް ނަސޭހަތްތެރިވާ ކަމަށެވެ.
ގައިދުރުކޮށް ސަފުހެދުމަކީ އެހެން ދީންތަކުގައި ކުރާކަމެއް ކަމަށް ބުނާ ޕޯސްޓެއް ވެސް އިޔާޒް ވަނީ ޓްވީޓް ކުރައްވާފައެވެ.
advertisment