އިލްމުވެރިންނާ ޖައްސާލުމަކީ ކޮންމެ ވެރިކަމެއްގައި ވެސް ހަދާ ވަރަށް ބޮޑު ގޯހެއް ކަމަށް ޝައިހް އިލްޔާސް ހުސެއިން ވިދާޅުވެއްޖެއެވެ.
އިލްޔާސް މިހެން ވިދާޅުވީ ގައުމީ ޔުނިވާސިޓީގެ އިސްލާމިކް ފެކަލްޓީގެ އެސިސްޓެންޓް ޕްރޮފެސަރު ޑރ. މުހައްމަދު އިޔާޒު އަބްދުއްލަތީފު ސަސްޕެންޑް ކުރުމާ ގުޅިގެންނެވެ.
އެކަމާ ގުޅިގެން އިލްޔާސް ވިދާޅުވީ އިޔާޒަކީ ލާދީނީވެރިން އެންމެ ޖެހިލުންވާ ދީނީ އިލްމުވެރިޔާ ކަމަށާއި ޖެހިލުމެއް ނެތި މާޒީގެ ވެރިންނަށް ދެއްވާ ރައްދަށް އެ ބޭފުޅުންނަށް ކެތް ނުކުރެވޭ ކަމަށެވެ.
އަދި އިޔާޒާ މެދު ނާއިންސާފުން އަޅާ ފިޔަވަޅުތަކަކީ ތަހައްމަލު ކުރާނެ ކަމެއް ނޫން ކަމަށްވެސް އިލްޔާސް ވިދާޅުވިއެވެ.