ކޮވިޑް-19 ގެ ވެކްސިން ނުޖަހާ މީހުން ބޭރުގައި ނޫޅެވޭ ގޮތް ހަދަން ޖެހޭ ކަމަށް ދިއްގަރު ދާއިރާގެ މެމްބަރު އިކްރާމް ހަސަން ވިދާޅުވެއްޖެއެވެ.
އިކްރާމް ކުރެއްވި ޓްވީޓެއްގައި ވިދާޅުވީ ވެކްސިން ނުޖަހާ މީހުންނަށް ބޭރުގައި ނޫޅެވޭ ގޮތް ހަދައި، ވެކްސިނާއި ގުޅުވައިގެން މީހުންގެ ދިރިއުޅުމަށް ލުއިތަކެއް ދިނުމަށް ފެންނަ ކަމަށެވެ.
އިކްރާމް މިކަމަށް ގޮވާލިއިރު ވެކްސިން ޖަހަން އެއްވެސް މީހަކަށް މަޖުބޫރު ނޫން ކަމަށް ހެލްތު ޕްރޮޓެކްޝަން އެޖެންސީން ވަނީ ބުނެފިއެވެ
މިހާތަނަށް ރާއްޖެއިން އެއް ލައްކަ އަށް ވުރެ ގިނަ މީހުން ވެކްސިން ޖަހާފައިވެއެވެ.