މަސްދޯންޏެއްގައި ދެ ބިދޭސީންގެ ދެމެދުގައި ހިނގި މާރާމާރިއެއްގައި ޒަހަމްވި މީހާ މަރުވެއްޖެއެވެ.
ފުލުހުން ބުނީ އެންދަމަން އޮތް ދޯންޏެއްގައި ދެ ބިދޭސީއެއްގެ މެދުގައި ހިނގި މާރާމާރިއެއްގައި އެކަކުގެ ގަޔަށް ތޫނު އެއްޗަކުން ހަމަލާދީ ޒަހަމް ކޮށްލި މައްސަލަ ފުލުހުންނަށް ހުށަހަޅާފައިވަނީ ރޭ 3:50 ހާއިރު ކަމަށެވެ.
ފުލުހުން ބުނީ ޒަޚަމްވި މީހާއަށް ފަރުވާދެމުންދަނިކޮށް މިއަދު 11:59ގައި އޭނާ ނިޔާވެފައިވާކަމަށް ހޮސްޕިޓަލުން މައުލޫމާތުދީފައިވާކަމަށެވެ.
މި މައްސަލައާ ގުޅިގެން އުމުރުން 42 އަހަރުގެ ބަންގްލަދޭޝްގެ ފިރިހެނަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށްވެސް ފުލުހުން ބުނެއެވެ.
އަދި މިމައްސަލަ އިތުރަށް ތަޙްޤީގުކުރަމުންދާ ކަމަށް ފުލުހުން ބުނެއެވެ.
advertisment