އޭޑީކޭ ހޮސްޕިޓަލުން ކޮވިޑް-19 ގެ ޕީސީއާރު ޓެސްޓް ހަދައިދޭ އަގުތައް އަނެއްކާވެސް ހެޔޮކޮށްފިއެވެ.
އޭޑީކޭ ހޮސްޕިޓަލުން ބުނީ މި ނިންމުމަކީ މިފަދަ ހައްސާސް ދަނޑިވަޅެއްގައި ރައްޔިތުންނަށް މި ހިދުމަތް ވީހާވެސް ފަސޭހައިން އަދި ހެޔޮ އަގެއްގައި ދެވޭނެ ގޮތްތައް ހޯދައި އޭގެ ނަތީޖާއެއްގެ ގޮތުން ގެނައި ބަދަލެއް ކަމަށެވެ.
އެގޮތުން މާދަމާ އިން ފެށިގެން ދިވެހިން އަދި ވާރކްޕާމީޓް ހޯލްޑަރުންނަށް 700ރ. އަށް ޕީސީއާރް ޓެސްޓް ހެދޭނެ ކަމަށާއި ފަތުރުވެރިންނަށް 45 ޑޮލަރަށް ޓެސްޓް ހެދޭނެ ކަމަށް ވަނީ ބުނެފައެވެ.
އޭޑީކޭއިން މީގެ ކުރިން ދިވެހިން އަދި ވާރކްޕާމީޓް ހޯލްޑަރުން އަތުން ޓެސްޓް ހެދުމަށް ނަގަމުން ދިޔައީ 1200ރ. އެވެ. އަދި ފަތުރުވެރިންގެ އަތުން ނަގަމުންދިޔައީ 80 ޑޮލަރެވެ.