ދުނިޔޭގެ ވަގުތީ އުފަކަށްޓަކައި ކުޑަ އަގަކަަށް ދީން ވިއްކާ ނުލެއްވުމަަށް ޑރ. މުހައްމަދު އިޔާޒް، ފަތުވާ މަޖިލީހަށް ގޮވާލައިފިއެވެ.
އިޔާޒް މިހެން ވިދާޅުވީ ކޮވިޑް-19 ގެ ހާލަތުގައި ގައިދުރުކޮށް ސަފުހަދައިގެން ޖަމާއަތުގައި ނަމާދު ކުރުމަކީ މަކުރޫހަކަމަކާ ނުލާ ހުއްދަ ކަމެއްކަމަށް އިސްލާމީ ފަތުވާ ދޭ އެންމެ މަތީ މަޖިލީހުން ބުނުމާ ގުޅިގެންނެވެ.
އެގޮތުން އިޔާޒް ކުރެއްވި ޓްވީޓެއްގައި ވަނީ ހާލަތު ރަނގަޅަށް ދިރާސާ ކުރެއްވާ އިހްލާތެރިކަމާއި ތެދުވެރިކަމާއެކު ފަތުވާ ނެރުއްވުމަށް ގޮވާލާފައެވެ. އޭނާ ވިދާޅުވީ މާތްﷲގެ ހަސްރަތުގައި ސުވާލު ކުރެވޭނެ ދުވަހެއް އަންނާނެ ކަމަށެވެ.
Fatwa Majlis ge member innah dhannavan. Dhuniyeege vaguthy ufalah takai kuda agakah Dheen vikkaa nulavvaa. Haalathu ragalhah dhiraasa kuravvaafai ikhlaatheri kamaai thedhuveri kamaai eku fatwa neruvvan aadha kuravvaa. Allah ge hazrathugai suvaalu kureveyne dhuvaheh eba aadhey.
— Dr.Mohamed Iyaz (@dr_iyaz) March 16, 2021
ގައިދުރުކަމާއެކު ޖަމާއަތުގައި ނަމާދުގެ ޖަމާއަތް މިސްކިތްތަކުގައި ޤާއިމު ކުރުމާމެދު އިސްލާމްދީނުގައި އޮންނަ ގޮތް ހާމަކޮށް ފަތުވާ މަޖިލީހުން ނެރެފައިވާ ފަތުވާގައި ބުނެފައިވަނީ މިއަދު ދުނިޔެއަށް ކުރިމަތިވެފައިވާ ކޮރޯނާ ބަލިމަޑުކަމުގެ ކާރިޘާގެ ހާލަތުގައި ދީނީ އިޖްތިމާއީ ބައެއް ކަންކަން އަދާކުރުމުގައި އާއްމު ހާލަތާއި އެއްގޮތަށް އަމަލު ކުރުމަށް ދަތިތަކެއް ކުރިމަތިވެފައިވާކަމަށެވެ.
އެގޮތުން މި މައުޟޫގައި ދުނިޔޭގެ ފަތުވާ މަޖިލީސްތަކާއި ފަތުވާ ކޮމެޓީތަކުން ނެރެފައިވާ ފަތުވާތަކުން ދަލީލުކޮށްދެނީ ކޮރޯނާ ވައިރަސް ފެތުރިދާނެކަމުގެ ބިރަށްޓަކައި މީސްތަކުން އެއްވެގެން ހެދޭ ޖަމާއަތްތައް ހެދުން ހުއްޓާލުން ސައްހަކަމަށް ކަމަށެވެ.
ފަތުވާ މަޖިލީހުން ބުނެފައިވަނީ މިކަމުގައި މުސްލިމުންގެ މައްޗަށް ލާޒިމުވަނީ އިތުބާރު ހުރި ސިއްހީ މާހިރުންދޭ މައުލޫމާތުގެ މައްޗަށް ބުރަވެތިބެ އެއާ އެއްގޮތަށް އަމަލުކުރުމަށް ކަމަށެވެ.