އައްޑޫ ލިންކް ރޯޑުގައި ހިނގި ނުރައްކާތެރި އެކްސިޑެންޓެއްގައި އަންހެނަކަށް އަނިޔާތަކެއް ވެއްޖެއެވެ.
މަންޒަރު ދުށް މީހަކާ ހަވާލާދީ “އައްޑޫ ލައިވް” ގައި ރިޕޯޓުކޮށްފައިވާ ގޮތުގައި އެ އެކްސިޑެންޓުގައި އަނިޔާވެފައި ވަނީ އަންހެނަކަށެވެ. އަންހެން މީހާ މަގުމައްޗަށް ވެއްޓިފައި އޮތީ، އެއްޗެއްގައި ޖެހި އެކްސިޑެންޓުވެފައިވާ ގޮތަށް ކަމަށް ބެލެވޭ ކަމަށެވެ. ނަމަވެސް އެސަރަހައްދުގައި އެވަގުތު އިތުރު އެއްޗެއް ނެތް ކަމަށް ވެސް އޭނާ ބުނެފައިވެއެވެ.
“އެކަމަކު އެ ސަރަހައްދުގައި އިތުރު އެއްޗެއް ފެންނާކަށް ނެތް، ހީ ނުވޭ ކަހާލައިގެން ވެއްޓިހެން އަނިޔާވެފައިވަނީ” މަންޒަރު ދުށް މީހާ އާ ހަވާލާދީ އެ ނޫހުގައި ބުނެފައިވެއެވެ.
އެކްސިޑެންޓުވީ މީހާއަށް މިހާރު އަންނަނީ އައްޑޫ އިކުއިޓޯރިއަލް ހޮސްޕިޓަލުގައި ފަރުވާ ދެމުންނެވެ.
advertisment