ލޯކަލް ކައުންސިލް އިންތިހާބުގައި، ރިސޯޓު މުވައްޒަފުންނަށް ވޯޓު ލުމުން މަހުރޫމް ކުރަން އުޅޭ ކަމަށް ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.
ޝުޖާއު ކުރެއްވި ޓްވީޓެއްގައި ވިދާޅުވީ ކުރިއަށް ލޯކަލް ކައުންސިލް އިންތިހާބަކީ ޑިމޮކްރަސީގެ އަސާސްތަކާ މުޅިން ހިލާފަށް ބޭއްވޭ އިންތިހާބެއްކަމަށެވެ.
އދި މިއިންތިހާބަކީ ހައްޤުތަކުން މަހުރޫމް ކުރެވިގެން ބޭއްވޭ އިންތިހާބު ކަން ފާހަގަކުރައްވައި ޝުޖާއު ވިދާޅުވީ ރިސޯޓް މުވައްޒަފުން ވޯޓުން މަހުރޫމް ކުރުމަށް އުސޫލުތައް ހަރުކަށި ކުރަމުންދާ ކަމަށެވެ.
އަންނަ އޭޕްރީލް މަހުގެ 10 ވަނަ ދުވަހު ބާއްވަން ނިންމާފައިވާ އިންތިހާބުގައި، ވޯޓުލުމަށް ރިސޯޓުތަކުގައި 121 ވޯޓުފޮށި ބެހެއްޓުމަށް ވަނީ ނިންމާފައެވެ.