މިއަދު ހެނދުނު އައްޑޫ ލިންކު ރޯޑުގެ ހަންކެޑެ ހިސާބުން އެކްސިޑެންޓުވި އަންހެން މީހާ މަރުވެއްޖެއެވެ.
މި އެކްސިޑެންޓުގައި ސީރިއަސް އަނިޔާތަކެއް ލިބިގެން ފަރުވާދެމުން ދަނިކޮށް މަރުވެފައި ވަނީ ސ. ހިތަދޫ ސަންރީފް، ފާތުމަތު އަސްމާއަށެވެ.
އެކްސިޑެންޓްގައި އަންހެން މީހާއަށް ބޮޑެތި ޒަހަމުތަކެއް ލިބުނެވެ. ބޮލަށް ސީރިއަސް އަނިޔާތަކެއް ލިބުނުއިރު ހަށިގަނޑުގެ އެކި ގުނަވަންތައް ބިނދިފައިވެއެވެ. އައްޑޫ ސިޓީ ހިތަދޫގައި ހުންނަ އިކުއަޓޯރިއަލް ހޮސްޕިޓަލްގައި ފަރުވާ ދެމުން ދަނިކޮށް އޭނާ މަރުވީ މީގެ ކުޑައިރުކޮޅެއްގެ ކުރިންނެވެ.
ނުރައްކާތެރި އެކްސިޑެންޓެއް ހިނގީ އެ މީހާ މަރަދޫފޭދޫއަށް ދަނިކޮށެވެ. އެކްސިޑެންޓް ހިނގި ސީދާ ސަބަބެއް މިހާތަނަށް އެނގިފައެއް ނުވެއެވެ.