ދ. ކުޑަހުވަދޫން ކޮވިޑް-19 އަށް ޕޮޒިޓިވްވި މީހުންގެ އަދަދު 18 އަށް އަރައިފިއެވެ.
ކުޑަހުވަދޫ ކައުންސިލުން ބުނީ އެ ރަށުން ބައްޔަށް ޕޮޒިޓިވްވި މީހުންގެ އަދަދު މިހާރު 18 އަށް އަރާފައިވާ ކަމަށެވެ. މި އެންމެންނަކީ ވެސް އެ ރަށުން ނެގި ރެންޑަމް ސާމްޕަލްތަކުން ޕޮޒިޓިވްވި މީހުންނެވެ.
ކުޑަހުވަދޫ އިން އެންމެ ފުރަތަމަ ބައްޔަށް ޕޮޒިޓިވް ވެފައިވަނީ އެ ރަށު އެއާޕޯޓްގައި މަސައްކަތްކުރާ ހަ މީހެކެވެ. އެމީހުން ބައްޔަށް ޓެސްޓް ކޮށްފައިވަނީ ބަލީގެ އަލާމާތްތައް ފެނުމުންނެވެ.
ޕޮޒިޓިވް ކޭސްތަކާ ގުޅިގެން ކުޑަހުވަދޫ މިވަގުތު އޮތީ މޮނީޓަރިންގެ ހާލަތުގައެވެ.