އިނގިރޭސިވިލާތުގެ ރޯޔަލް މިލިޓަރީ އެކެޑަމީ ސޭންޑްހަރސްޓްގެ ކޯހަކުން އެއްވަނަ ދިވެއްސަކު ހޯދައިފިއެވެ.
އެގޮތުން ކޯހުން އެއްވަނަ ހާސިލްކޮށްފައި ވަނީ އެމްއެންޑީއެފްގެ އޮފިސާ ކެޓޭޑްއެއް ކަމަށްވާ ފިރުޝާނާ ތައުފީގެވެ.
މިއީ އެ އެކެޑަމީގެ ތަމްރީނެއްގައި ދިވެހި އަންހެނަކު ބައިވެރިވި ފުރަތަމަ ފަހަރެވެ.
ކޯހުގެ އެއްވަނަ ހޯދުމާ ގުޅިގެން ޑިފެންސް މިނިސްޓަރު މާރިޔާ އަހުމަދު ދީދީ ވަނީ ސިފައިންގެ އެންމެ އިސްވެރިޔާ، ރައީސް އިބްރާހިމް މުހައްމަދު ސޯލިހާއި ދިވެހި ރައްޔިތުންގެ ނަމުގައި ފިރުޝާނާ އަށް ތަހުނިޔާ ކިޔާފައެވެ.