ޕާކިސްތާނުގެ ބޮޑުވަޒީރު އިމްރާން ޚާންއަށް ކޮވިޑް-19 ޖެހިއްޖެ ކަމަށް އެގައުމުގެ ހެލްތު މިނިސްޓަރު ފައިސަލް ސުލްތާން ވިދާޅުވެއްޖެ އެވެ.
މިނިސްޓަރު ސުލްތާން ކުރެއްވި ޓުވީޓެއްގައިވާ ގޮތުން ޚާން ކޮރޯނާވައިރަހަށް ޕޮޒިޓިވްވުމުން މިހާރު އޭނާ ހުންނެވީ ގޭގައި އަމިއްލައަށް އެކަހެރިވެވަޑައިގެންނެވެ.
ޕާކިސްތާނުގައި މިހާތަނަށް 623،135 މީހުންނަށް ކޮވިޑް-19 ޖެހި، ބަލީގައި 13،799 މީހަކު ވަނީ މަރުވެފަ އެވެ.
ޗައިނާގެ ސައިނޯފާމްއިން އުފައްދާފައިވާ ކޮވިޑް-19 ވެކްސިން ޖަހަން ޕާކިސްތާނުން ފެށީ މިދިޔަ މަހު އެވެ