ރަމަޟާން މަހާ ދިމާކޮށް ރެޑްވޭވްއިން ފިޔާ އަދި އަލުވި ކޮލީއެއްގެ އަގު 10 ރުފިޔާ އަށް ހެޔޮކޮށްފި އެވެ.
ރެޑްވޭވުން ބުނީ ތަކެތީގެ އަގުހެޔޮކުރީ ކޮންމެ އަހަރަކުވެސް ރޯދަމަހު އާންމުންނަށް ވެގެންދާ އުދަނގޫ ހައްލުކޮށްދިނުމުގެ ގޮތުން ކަމަށެވެ.
އެގޮތުން މިއަދު އަލުވި އަދި ފިޔާ ކިލޯއެއް 10 ރުފިޔާއަށް ހެޔޮކޮށްފައިވާއިރު މިހާރު ވެސް ބިހެއް 1.5ރުފިޔާއަށް ވިއްކަމުން އަންނަކަން ރެޑްވޭވުން ފާހަގަކުރި އެވެ.
ކޮންމެ އަހަރަކުވެސް ރޯދަ މަސް ވެގެންދަނީ ތަކެތީގެ އަގު އިންތިހާއަށް ބޮޑުވެ އާންމު ގިނަ ކަންބޮޑުވުންތަކެއް އުފެދިގެންދާ މަހަކަށެވެ. ހާއްސަކޮށް ފިޔާ، ބިސް އަދި އަލުވީގެ އަގު އަބަދުވެސް ބޮޑުވެގެންދެ އެވެ.
ރެޑްވޭވުން ބުނީ އެކުންފުނީގެ އަމާޒަކީ އާންމުންނަށް އެތަކެތި ހެޔޮއަގެއްގައި ރެޑްވޭވްގެ ފިހާރަތަކުން ފޯރުކޮށްދިނުން ކަމަށެވެ. އަދި ކޮންޓްރޯލްކުރަން ޖެހިއްޖެ ހާލަތެއްގައި ކޮންޓްރޯލްކޮށްގެން ނަމަވެސް ކަސްޓަމަރުންނަށް ރޯދަމަސް ނިމެންދެން ފިޔާ، ބިސް އަދި އަލުވި ފޯރުކޮށްދިނޭނެ ކަމަށް ވެސް ބުންޏެވެ.
advertisment