މަހަށް ނިކުމެ އުޅެނިކޮށް ހާލުދެރަވި މީހަކު ނިޔާވެއްޖެ

މަހަށް ނިކުމެ އުޅެނިކޮށް ހާލު ދެރަވި ހދ.ކުޅުދުއްފުށީ މީހަކު ނިޔާވެއްޖެއެވެ.

ކުޅުދުއްފުށީ ރީޖަނަލް ހޮސްޕިޓަލަށް ގެންގޮސް ފަރުވާދެމުން ދަނިކޮށް ނިޔާވެފައިވަނީ، އުމުރުން 64 އަހަރުގެ ދިވެހި ފިރިހެނެކެވެ. އޭނާ ނިޔާވީ މިއަދު ހަވީރު 4:42 ހާއިރު އެވެ.

އޭނާގެ ހާލު ދެރަވީ ދަރިފުޅާއެކު ވަދާނުކުމެ އުޅެނިކޮށް މެއަށް ތަދެއް އަރައިގެންނެވެ. ހާލު ދެރަވުމާ ގުޅިގެން އޭނާ ކުޅުދުއްފުއްޓަށް ގެންގޮސްދިނީ މަހަށް ނިކުމެ އުޅުނު ސަރަހައްދުގައި އޮތް އެހެން ދޯންޏެއްގެ އެހީއާއެކުއެވެ.