ވެކްޓިލޭޓަރުތަކުގެ ކޮރަޕްޝަންގެ މައްސަލައިގައި އެންޓި ކޮރަޕްޝަން ކޮމިޝަން (އޭސީސީ)އަށް އެއްވެސް ބަޔަކު ނުފޫޒެއް ފޯރުވާފައިވޭތޯ ބަލަންޖެހޭކަމަށް ހުޅުދޫ ދާއިރާގެ މެމްބަރު އިލިޔާސް ލަބީބް ވިދާޅުވެއްޖެއެވެ.
އިލިޔާސް ލަބީބް ވިދާޅުވީ ވެންޓިލޭޓަރު ގެނައުމަށް ނިންމި ހިސާބުން ފެށިގެން އޭގެން ނާޖައިޒު މަންފާ ހޯދާނެ ގޮތެއް ބަޔަކު ބަލަމުން ދިޔަކަމަށް މިހާރު ގަބޫލުކުރެވޭކަމަށެވެ.
“އަޅުގަނޑު މިއަދު ހިތަށް އަރާ އެބޭފުޅުން އޭސީސީއަށް ނުފޫޒުފޯރުވިތޯ ނުވަތަ ނޫންތޯ. އެކަން ބަލަންޖެހޭ.” އިލިޔާސް ލަބީބް ވިދާޅުވިއެވެ.
އިލިޔާސް ވިދާޅުވީ އޭސީސީގެ ތަހުގީގުގައި މިކަމުގައި ތުހުމަތުކުރެވޭ އެއްވެސް މީހެއްގެ ބޭންކް ސްޓޭޓްމެންޓް ބަލާފައިނުވާކަމަށެވެ. .