ރައްޔިތުންގެ މަޖިލީހުގެ މާލޭ ދާއިރާގެ ކުރީގެ މެންބަރު، އަދި އެމްޑީޕީގެ ކުރީގެ ރައީސް އިބްރާހިމް އިސްމާއިލް އިބްރާ ކޯޓަށް ހައްޔަރުކޮށްގެން ކޯޓަށް ހާޟިރުކުރުމުގެ އަމުރެއް ނެރެފިއެވެ.
މީގެ ކުޑަ އިރުކޮޅެއް ކުރިން އިބްރާ ކުރެއްވި ޓްވީޓެއްގައި ވަނީ އެ އަމުރު އާންމުކޮށްފައެވެ. މޯލްޑިވްސް ޕޮލިސް ސާވިސްގެ މައްޗަށް އިބްރާހިމް އިސްމާއިލް ހައްޔަރުކޮށްގެން ކޯޓަށް ހާޟިރުކުރުމަށް އަމުރު ނެރެފައިވަނީ ސިވިލް ކޯޓުންނެވެ. އެ އަމުރުގައި ބުނެފައިވަނީ، އެ ކޯޓުން ނެރެފައިވާ ކޯޓަށް ހާޟިރުވުމުގެ އަމުރާއި ހަވާލުވެފައިނުވާތީވެ އޭޕްރީލް މަހުގެ4 ވަނަ ދުވަހުގެ 13:45 ގައި އޮންނަ ޝަރީޢަތުގެ މަޖިލީހަށް އިބްރާ ހާޟިރުކުރުމަށެވެ.
އިބްރާއާއި މެދު ކޮށްފައިވަނީ ކޮން ދައުވާއެއްކަމެއް ސީދާ ސާފުވާގޮތެއް ނުވެއެވެ.