މާރާމާރީއަކާ ގުޅިގެން މީހަކު ހޯދަނީ

މާރާމާރީ ހިންގިކަމަށް ތުހުމަތުކުރެވޭ މައްސަލައެއްގެ ތަހުގީގަށް މީހަކު ހާޒިރުކުރުމަށް އޭނާގެ ވަނަވަރާއި ފޮޓޯ ފުލުހުން އާންމުކޮށްފި އެވެ.

އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައިނުވާތީ، ތަހުގީގަށް ހާޒިރުވާން އަންގައި ފޮޓޯ އާންމުކޮށްފައި ވަނީ ލ.ގަން. ތުނޑި، އިހުރާމުގެ، ހުސައިން ސުއޫދު (28އ) އެވެ.

ފުލުހުން ބުނީ އޭނާ ހޯދަމުން ދަނީ ގަން ޕޮލިސް ސްޓޭޝަނުން ތަހުގީގު ކުރަމުންދާ މާރާމާރީގެ މައްސަލައަކާ ގުޅިގެން މައުލޫމާތު ސާފުކުރުމަށް، ތަހުގީގަށް ސުވާލުކުރުމަށް ކަމަށެވެ.

އެހެންކަމުން މި މަހުގެ 21 ވަނަ ދުވަހު، 10:00 އަށް ލ.ގަން ޕޮލިސް ސްޓޭޝަނަށް ހާޒިރުވާން އޭނާއަށް ވަނީ އަންގައިފަ އެވެ.