އަތޮޅު ތެރޭގެ ރަށެއްގައި ފިޔާތޮށި ކުލަލާފައިވާ ރުކެއް އެމްޑީޕީގެ ސަޕޯޓަރުން ކަނޑާލުމަކީ މިހާތަނަށް ސަރުކާރުން ހިންގި އެންމެ ބިޔަ ޕްރޮޖެކްޓްކަމަށް މަގާމުން ވަކިކުރި ކޮމިއުނިކޭޝަންސް މިނިސްޓަރު މުހައްމައު މަލީހު ޖަމާލު ވިދާޅުވެއްޖެއެވެ.
އެމްޑީޕީ ސަޕޯޓަރުންތަކެއް “ﷲ އަކްބަރު” ގޮވަމުން ފިޔާތޮށި ކުލަ ލާފައި ހުރި ރުކެއް ކަނޑާލާ ވީޑިއޯއެއް ސޯސަލް މީޑީއާގައި ވަނީ އާންމުވެފައެވެ. މި މައްސަލާގައި ގިނަ ބަޔަކު އަންނަނީ އެމްޑީޕީއަށް ފާޑުކިޔަމުންނެވެ.
މިކަމާ ގުޅިގެން މަލީހު ކުރެއްވި ޓްވީޓެއްގައި ވިދާޅުވީ ރުއް ކަނޑާލުމަކީ މިސަރުކާރުން ހިންގި އެންމެ ބިޔަ އެއް ޕްރޮޖެކްޓް ކަމަށެވެ.
“ހެއްވާ ކަމަކީ ރައީސް ނަޝީދު އިރުއިރު ކޮޅާ އެބަވިދާޅުވޭ ތިމަންނާޔަކީ ތިމާވެށީގެ ބައްޕައޭ. މީތޯ ތިމާވެށި ހިމާޔަތް ކުރުމަކީ؟ މަޖިލިހުގައި އެކުރާ ކަންތަކާ މިކަމާ ތަފާތެއް ނެތް. ކުރާ މީހާ ތަފާތީ.” މަލީހު ވިދާޅުވިއެވެ.
ރުއް ކަންޑާލި ހާދިސާއާ ގުޅިގެން އެމްޑީޕީން ކުރި ޓުވީޓެއްގައި ބުނީ، އެފަދަ އަމަލުތައް ހިންގުމަކީ އެ ޕާޓީން އެއްގޮތަކަށް ވެސް ހިތްވަރުދޭނެ ކަމެއް ނޫން ކަމަށެވެ.
“އެމްޑީޕީގެ އެއްވެސް މެންބަރަކު އަދި މި ޕާޓީއަށް ތާއީދުކުރާ އެއްވެސް ފަރާތަކުން ވެސް މިފަދަ އަމަލުތައް ނުހިންގުމަށް އިލްތިމާސްކުރަން،” އެމްޑީޕީން ބުންޏެވެ.
One Response
ޑިމޮކްރަސީ ދައްކަންވީ މިގޮތަށް ޑިމޮކްރެޓިކް ޕާޓީއެއްގެ އުސޫލުތައް ހުންނަންޖެހޭ ނެގޮތަކީމީ