އޮޅުވާލައިގެން މީހުނަށް ގަރާޖް ސިޓީ ވިއްކާ ވިއްކުން ހުއްޓުވެން ޖެހޭ ކަމަށް މާލެ ސިޓީގެ އިންތިހާބީ މޭޔަރު ޑރ.މުހައްމަދު މުއިއްޒު ވިދާޅުވެއްޖެއެވެ.
މުއިއްޒު މިހެން ވިދާޅުވީ ގަރާޖު ސިޓީއާ ނުރާ ވެހިކަލްތައް ރަޖިސްޓްރީ ކުރެވޭގޮތަށް އެއްގަމު ދަތުރުފަތުރުގެ ގާނޫނަށް އިސްލާހު ގެނައުމަށް މަޖިލީހުގެ ގައުމީ ތަރައްގީއާއި ތަރިކައިގެ ކޮމިޓީން ފާސްކުރުމާ ގުޅިގެންނެވެ.
މުއިއްޒު ކުރެއްވި ޓްވީޓެއްގައި ވިދާޅުވީ އަމާޒަކީ، މިކަން ހައްލު ކުރުން ހިމެނޭގޮތަށް، މާލޭގެ މަގުތަކަކީ ހިނގާބިނގާވެ އުޅުމަށާއި ދުއްވުމަށް ހިތްފަސޭހަ އަމާން ތަނަކަށް ހެދުން ކަމަށެވެ.
Gawaaidhaa khilaafah, corruption ah magufahivaa gothah, olhuvaalaigen meehunnah garage sitee vikkaa vikkun ves huttuven jehey.Mikanves hallukurun himeney gothun, Male ge maguthakakee dhuvvumashaa, hingaabingaave ulhen hiffaseyha, saafu, amaan maguthakah hedhigen dhiyun amaazakee https://t.co/uGXt3wzE9G
— Dr Mohamed Muizzu (@MMuizzu) April 28, 2021
އެއްގަމު ދަތުރުފަތުރުގެ ގާނޫނަށް ކޮމިޓީން ގެނެސްފައިވާ އިސްލާހުގައި ވަނީ، އެއްގަމު އުޅަނދުފަހަރު ރަޖިސްޓްރީކުރުމުގައި އަމިއްލަ ފަރާތެއްގެ ގަރާޖެއްގައި ނުވަތަ އަމިއްލަ ފަރާތެއްގެ އެނޫޏްވެސް ތަނެއްގައި ނުވަތަ ބިމެއްގައި އެ އުޅަނދު ބޭއްވުން ލާޒިމުވެގެންނުވާކަމަށެވެ.
އަދި އެއްގަމު އުޅަނދު ރަޖިސްޓްރީ ކުރަން ހުށަހަޅާއިރު، ގަރާޖެއްގައި އެ އުޅަނދު ބާއްވާނެކަމުގެ ލިޔުން ހުށަހެޅުންވެސް ލާޒިމު ނޫންކަމަށް އިސްލާހުގައިވެއެވެ.