ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް އަބްދުﷲ ޔާމީން މިރޭ ގެއަަށް ބަދަލު ކުރަން ނިންމައިފި އެވެ.
މައުލޫމާތު ލިބިފައިވާ ގޮތުގައި ރައީސް ޔާމީން ގެޔަށް ބަދަލު ކުރުމަށް ނިންމާފައިވަނީ 1 މަސް ދުވަހުގެ މުއްދަތަށެވެ.
ރައީސް ޔާމީން ގެޔަށް ބަދަލު ކުރަން ސަރުކާރުން ނިންމާފައިމިވަނީ، އެމަނިކުފާނު ގެޔަށް ބަދަލު ކުރުމަށް ގޮވާލާ އިދިކޮޅު ފަރާތްތަކުން މާލޭގައި ސިލްސިލާކޮށް މުޒާހަރާ ކުރަމުންދާ ދަނޑިވަޅެއްގައެވެ.
ރައީސް ޔާމީން ގޭ ބަންދަށް ބަދަލު ކުރަން ނިންމާފައި ވަނީ އާއިލާއިން ހުށަހެޅި ކަންކަމަށް ރިއާޔަތް ކުރުމަށްފަހުގައި ކަމަށް މަޢުލޫމާތު ލިބެއެވެ. އާއިލާއިން އެ ހުށަހެޅުން ހުށަހަޅާފައި ވަނީ ރަމަޟާން މަހުގެ ކުރިންނެވެ.