ރާއްޖޭގެ ކަނޑުގެ ސަރަހައްދުން ގަވާއިދާއި ހިލާފަށް މަސްވެރިކަން ކުރަނިކޮށް އަތުލައިގަތް ބޯޓުތަކަކީ ލަންކާގެ ބޯޓުތަކެއް ކަމަށް ފުލުހުން ބުނެފިއެވެ.
މިދިޔަ ބުދަ ދުވަހުގެ އިރާކޮޅު، ވ. އަތޮޅާ ދިމާ އިރުން އެކްސްކްލޫސިވް އިކޮނޮމިކް ޒޯންގެ 30 ނޯޓިކަލް މޭލު އެތެރެއިން ފަސް ބޯޓެއް ހިފެހެއްޓި އެވެ. އެމްއެންޑީއެފް އިން ބުނީ އެ ބޯޓުތައް ފެނުނީ އެމްއެންޑީއެފް ކޯސްޓްގާޑު ޝިޕް ހުރަވީގެ ޕެޓްރޯލް ދަތުރެއްގެ ތެރެއިން ކަމަށެވެ.
އެއިން ކޮންމެ ބޯޓެއްގައި ހަ މީހުން ތިބި ކަމަށް އެމްއެންޑީއެފުން ބުނެއެވެ.
މި ބޯޓުތައް މިހާރުވަނީ އެމްޑީއެފްގެ ބެލުމުގެ ދަށުން ގެނެސް ހުޅުމާލެ އަށް ގެނެސް ފުލުހުންނާއި ހަވާލުކޮށްފައެވެ.
advertisment