އިބުރާ، ނަޝީދަށް: އަަބަދު ނުތިއްބަސް ކޮންމެވެސް އެއް ވަގުތަކު ހަމައިގަ ތިބެންވާނެ!

ސަރުކާރުން މަންދު ކޮލެޖަށް ބަދަލު ދިން މައްސަލާގައި އެމްޑީޕީގެ ކުރީގެ ރައީސް އިބްރާހިމް އިސްމާއިލް، ކުރީގެ ރައީސް މުހައްމަދު ނަޝީދަށް ބަހުގެ ހަމަލާތަކެއް އަމާޒު ކޮށްފިއެވެ.

އެއްބަސްވުމާ ހިލާފަށް މަންދު ކޮލެޖް ކުރިން ހިންގި އިމާރާތުން އެ ފަރާތްތައް ނެރުމުގެ ސަބަބުން ލިބުނު ގެއްލުމުގެ ބަދަލުގައި 15،012،500 (15 މިލިއަން) ރުފިޔާ ދިނުމަށް އެޑިއުކޭޝަން މިނިސްޓްރީގެ މައްޗަށް ސިވިލް ކޯޓުން ވަނީ ހުކުމް ކޮށްފައެވެ.

ކުރީގެ އެމްއީއޭސް ސްކޫލު ހުރި ބިމުން، ޝަރީއަތުގެ އަމުރެއް ނެތި މަންދު ކޮލެޖު ބޭރުކޮށްލުމުން ބަދަލުގެ ގޮތުގައި 18,012,500 (18 މިލިއަން) ރުފިޔާ ހޯދުމަށް އެ ކޮލެޖުން ވަނީ ދައުވާކޮށްފައެވެ.

ނަމަވެސް ދެ ފަރާތުން ވާހަކަދެއްކުމަށް ފަހު ވަނީ އެ އަދުދު 15 މިލިއަނަށް ކުޑަކޮށްފައެވެ.

މިއީ ކޯޓުން ބޭރުން ނިހާއީ ހުކުމެއް ނެތި، ވީ އެއްބަސްވުމެެކެވެ. އަދި މި މައްސަލައިގައި އޮޑިޓަރ ޖެނެރަލްގެ އޮފީހުން ލަފާ ދިނީ، 1.5 މިލިއަން ބަދެއްގެ ގޮތުގައި ދިނުމަށް ނަމަވެސް ދައުލަތުން އެއްބަސްވީ މަންދުއަށް 15 މިލިއަން ރުފިޔާ ދިނުމަށެވެ.

މި މައްސާލަގައި ސަރުކާރަށާއި އިބްރާއަށް ގިނަ ފާޑުކިޔުން އަމާޒުވަމުން އަންނަ އިރު، މިމައްސަލާގައިއޮޓިޓާ ޖެނެރަލް އެކުލަވާލި އެސެމަންޓް ރިޕޯޓާއިއެކު މިމައްސަލަ ބަލައި ދިނުމަށް މަޖިލިސް ރައީސް ނަޝީދު ވަނީ މާލިއްޔަތު ކޮމިޓީއަށް ފޮނުވާފައެވެ.

މިކަމާ ގުޅިގެން އިބްރާ ވަނީ ދިވެހި ދައުލަތުން އޭނާގެ ހައްގަކަށް އަރައިގަނެ، މުދާ ފޭރިއްޖެ ކަމަަށް ސުޕްރީމް ކޯޓުން ކަނޑައެޅުމުން ވެސް ނަޝީދު އެކަމާ ބެހެނީ ކީއްވެތޯ ސުވާލު ކުރައްވާފައެވެ.

“ދެން ތިވަރަަށް މަގޭ ހައްގަކަށް ތި ހުރަސް އަޅަނީ ކޮންކަމަކާ، އަންނި ކަނޑައެޅިވަރަށް ވުރެ އިތުރަށް މަށަށް ހައްގުވާ ކަމަށް މަ ދެކޭތީ؟.” އިބްރާ ވިދާޅުވިއެވެ.

Dhen hama aharemen qaboolu kuranvee thee maa insaafuveri, oagaatheri meehekkamah? Insaafakee Anni kan'da alhaa echcheh? Anni jahaane sakaraatheh jahan dhuruga hureemaves nufudhunu? Mithaa ehen meehaku ulheyne kameh neiy?

Abadhu nuthibbas konmes eh vaguthaku hamaiga thibenvaane.

— Ibra – Unapologetically for Justice (@ibramandhu) May 3, 2021

އިބްރާ ވިދާޅުވީ އޭނާގެ އެއްބަނޑު މީހުންނާއި ގާތްތިމާގެ މީހުން ދައުލަތުގެ މަގާމުތަކުގައި ތިބުމަކީ އޭނާއަަށް ލިބެން ޖެހޭ ހައްގަކުން މަހްރޫމް ކުރަން ޖެހޭ ސަބަބެއް ނޫން ކަމަށެވެ.