ދާއިރާ ތަކުގެ އިންތިހާބުގެ އެޕްލިކޭޝަން ފޯމް ހުށައެޅުމަށް ހުޅުވާލާފައިވާ މުއްދަތު މޯލްޑިވިއަން ޑިމޮކްރަޓިކް ޕާޓީ އެމްޑީޕީން އިތުރުކޮށްފިއެވެ.
ދާއިރާގެ އިންތިހާބުގެ އެޕްލިކޭޝަން ފޯމް ބަލައިގަތުމަށް ކުރިން ދީފައިވާ ސުން ގަޑިއަކީ މިއަދުގެ ހަވީރު 16:00އެވެ. ނަމަވެސް މިވަގުތު ވަނީ މިރޭގެ މެންދަމު 00:00އަށް ބަދަލު ކުރެވިފައި ކަމަށް އެމްޑީޕީން ވަނީ ހާމަކޮށްފައެވެ. މިބަދަލު ގެނެސްފައިވަނީ އޮންލައިންކޮށް ފޯމް ހުށައެޅުމުގައި އިންޓަނެޓް މައްސަލަތައް ދިމާވާތީ މިކަމާ ގުޅިގެން ގިނަ ޝަކުވާތަކެއް ލިބިފާވާތީކަމަށް އެ ޕާޓީން ވަނީ ހާމަކޮށްފައެވެ.
ނަމަވެސް ސެކްރެޓޭރިއެޓަށް އީމެއިލްއިން ފޮނުއްވާ އެޕްލިކޭޝަން އާއި އިގްރާރު ފަހުން ފޮނުވުމުން ބަލައި ނުގަންގާނެކަމަށް އެމްޑީޕީން ހާމަކުރައްވަފާވެއެވެ.
އެމްޑީޕީން މިހެން ހާމަކުރައްވާފައިވަނީ އެޕާޓީގެ ވެޗްސައިޓްގައި އާއްމު ކޮށްފައިވާ ލިޔުމެއްގައެވެ.
advertisment