މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަށް އަމާޒުކޮށް ދީފައިވާ ބޮމުގެ ޓެރިރިސްޓް ހަމަލާގެ ތަހުގީގަށް ލިބުނު ކުރިއެރުމުގެ ފަހަތުގައި ވަނީ ފުލުހުންގެ ހުނަރުވެރި މަސައްކަތް ކަމަަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
މިނިސްޓަރު އިމްރާން ކުރެއްވި ޓްވީޓެއްގައި ވިދާޅުވެފައިވަނީ އެ މައްސަލައިގެ ތަހުގީގުގައި މިހާތަނަށް ހޯދިފައިވާ ކުރިއެރުންތައްވެސް ރަނގަޅު ކަމަށާއި، އަދި ތަހުގީގު ކުރިއަށްދާގޮތްވެސް ރަނގަޅުކަމަށެވެ.
އަދި ލިބުނު ކުރިއެރުންތަކުގެ ފަހަތުގައި ވަނީ ފުލުހުންގެ ހުނަރުވެރި މަސައްކަތާއި ރައްޔިތުން ފޯރުކޮށްދިން މައުލޫމާތު ކަމަށް މިނިސްޓަރު ވިދާޅުވިއެވެ.
އޭނާ ހައްޔަރުކޮށްފައި ވަނީ ހުޅުމާލޭ ގާޒީ ސްކޫލް ސަރަހައްދުގައި ހުންނަ ފްލެޓް 95 ޖީ 2 އިން ކަމަށް މައުލޫމާތު ލިބެއެވެ.
އެހެންނަމަވެސް ހައްޔަރުކުރި މީހާއާއި ބެހޭ އެެއްވެސް މައުލޫމާތެއް އަދި ފުލުހުން ހާމައެއް ނުކުރެއެވެ.
އިއްޔެ ފުލުހުންވަނީ ހަމަލާއާއި ގުޅުންހުރި ދެމީހަކު ހައްޔަރުކޮށް ވަނަވަރު ހާމަކޮށްފަ އެވެ. އިއްޔެ ހައްޔަރު ކުރި ދެ މީހުންގެ ތެރެއިން އެއް މީހަކީ މއ. ފޭރުގެ 21 އަހަރުގެ މުޖާޒު އަހުމަދު އެވެ.
advertisment