އޭޑީކޭގައި އެޑްމިޓް ކޮށްގެން ފަރުވާދޭ އެއްވެސް ބަލި މީހެއް ކައިރިއަށް ޒިޔާރަތް ނުކުރެވޭނެކަމަށް އެ ހޮސްޕިޓަލުން ބުނެފި އެވެ.
އޭޑީކޭ ހޮސްޕިޓަލުން ނެރެފައިވާ ބަޔާނެއްގައި އެ ހޮސްޕިޓަލުން ބުނެފައި ވަނީ ރާއްޖެގައި ހަލުވިކަމާއެކު ކޮވިޑް-19 ފެތުރެމުންދާތީ ސިއްހީ ހިދުމަތްދޭ މީހުންނާއި ބަލިމީހުންގެ ރައްކާތެރިކަމަށްޓަކައި އެޅޭ ފިޔަވަޅެއްގެ ގޮތުން އެ ހޮސްޕިޓަލަށް ޒިޔާރަތް ކުރުން ވަގުތީ ގޮތުން މަނާ ކުރާ ކަމަށެވެ. ކޮވިޑް-19 ގެ ހާލަތު ގޯސްވުމާއި ގުޅިގެން 9 މޭއިން ފެށިގެން އެ ހޮސްޕިޓަލުގައި އެޑްމިޓްކުރެވިފައިވާ މީހުން ކައިރިއަށް ޒިޔާރާތްކުރުން މަނާކޮށްފައިވާއިރު، ބަލިމީހާގެ ގާތުގައި މަޑުކުރެވޭނީ އެންމެ މީހަކަށްކަމަށްހޮސްޕިޓަލުން ބުނެފަައިވެ އެވެ.
Due to the extreme surge in #Covid19 we have suspended visiting to admitted patients until further notice. Please adhere to our instructions and cooperate with us for the safety of patients and healthcare professionals. #StaySafe pic.twitter.com/1BVMeGRYQF
— ADK Hospital (@ADKHospital) May 9, 2021
އެއެޑްމިޓް ކޮށްގެން ފަރުވާދޭ ބަލި މީހާގެ ކައިރީގައި މަޑުކުރާ އެހީތެރިޔާގެ ގައިން ކޮވިޑް-19ގެ އެއްވެސް އަލާމާތެއް ފެންނަނަމަ އެމީހަކަށް ބަލިމީހާ ކައިރީ މަޑުނުކުރެވޭނެ ކަމަށާއި މިފަދައެއްވެސް އަލާމާތެއް ފެންނަނަމަ ހޮސްޕިޓަލަށް ނައުމަށް އެ ހޮސްޕިޓަލުން ވަނީ ބުނެފައެވެ. ބަލި މީހުންނާއި އެ ހޮސްޕިތަލުގައި ހިދުމަތްދޭ އެންމެންގެ ރައްކާތެރި ކަމަށްޓަކާ އެޅޭ މި ފިޔަވަޅުތަކަށް އާންމުންގެ ފުރިހަމަ އެއްބާރުލުން ބޭނުންވާނެކަމަށް އެ ހޮސްޕިޓަލުން ހާމަކުރައްވާފައިވެއެވެ.
އޭޑީކޭއިން މި ބަދަލު ގެނައި އިރު، ރާއްޖޭގައި ކޮވިޑުގެ ހާލަތު ވަނީ ވަރަށް ގޯސްވެފައެވެ. އެގޮތުން މިއަދު މާލޭގެ ސަރަހައްދުން ބައްޔަށް ޕޮޒިޓިވްވި މީހުންގެ އަދަދު 900 އިން މައްޗަށް އަރަ އެވެ.
advertisment