ކޮވިޑުގައި އިތުރު ދެ މީހަކު މަރުވެއްޖެ

ކޮވިޑް19އަށް ފަރުވާ ހޯދަމުން ދިޔަ އިތުރު ދެ މީހަކު މަރުވެއްޖެ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ރޭ ބުނީ ހުޅުމާލެ ހޮސްޕިޓަލުގައި ފަރުވާ ހޯދަމުން ދިޔަ އުމުރުން 63 އަހަރުގެ ދިވެހި އަންހެެނެއް އިއްޔެ މަރުވެފައިވާ ކަމަށެވެ.

މީގެ އިތުރުން އުމުރުން 83 އަހަރުގެ ދިވެހި އަންހެނަކު ވެސް މިއަދު ވަނީ މަރުވެފައެވެ.

މިއާ އެކު ކޮވިޑް ބަލީގައި ރާއްޖެ އިން މަރުވި މީހުންގެ އަދަދު ވަނީ 197 އަށް އަރައިފައެވެ.

މިވަގުތު ރާއްޖޭގައި ބަލި ޖެހިފައި ތިބި 11،041 މީހުން އެބަ ތިއްބެވެ. އޭގެ ތެރެއިން ހޮސްޕިޓަލްތަކުގައި ފަރުވާދެމުން ދަނީ 97 މީހުންނަށެވެ.