އިންދިރާ ގާންދީ މެމޯރިއަލް ހޮސްޕިޓަލްް (އައިޖީއެމްއެޗް) ލެބޯޓްރީގެ ޚިދުމަތް އަލުން ފަށައިފި އެވެ.
އެ ހޮސްޕިޓަލުން ބުނީ މިއަދުން ފެށިގެން ލެބޯޓަރީގެ ޚިދުމަތް އަލުން ފެށުމަށް ނިންމާފައިވާ ކަމަށެވެ. އަދި ލެބޯޓްރީން އިމަޖެންސީކޮށް ހަދާ ޓެސްޓުތައް ފިޔަވާ އެހެނިހެން ޓެސްޓުތަކަށް ޚިދުމަތް ދޭނެ ކަމަށެވެ.
މި ޚިދުމަތް އަލުން ދިނުމަށް ފަށާ އިރު، ކުރިއެކޭ ވެސް އެއްގޮތަށް ހެނދުނު 8 ން މެންދުރުފަހު 2 އާހަމައަށް މެދުނުކެނޑި ނަންބަރު ދޫކޮށް ޚިދުމަތް ދެވޭނެ ކަމަށް ވެސް ވަނީ ބުނެފަ އެވެ.
އައިޖީއެމްއެޗްގެ ލެބޯޓަރީގެ ހިދުމަތް މެދު ކަނޑާލީ މިދިޔަ މަސް ތެރޭ ކޮވިޑްގެ ހާލަތު ގޯސްވުމުންނެވެ.
advertisment