އިންޓަރ ޕާލިމެންޓަރީުު ޔޫނިއަންގެ ”ޑިމޮކްރަސީ އެންޑް ހިއުމަން ރައިޓްސް“ ކޮމިޓީއަށް ރައްޔިތުންގެ މަޖިލީހުގެ ހިންނަވަރު ދާއިރާގެ މެމްބަރު ޖީހާން މަހްމޫދު އިންތިހާބުވެއްޖެ އެވެ.
މި ޔޫނިއަން އަކީ 157 ގައުމުގެ މައްޗަށް އެކުލެވޭ ބައިނަލްއަގުވާމީ ޖަމިއްޔާއެކެވެ. މި ގައުމުތަކާއި ވާދަކޮށް ޖީހާން ކޮމިޓީގެ މެންބަރުކަމަށް ޖީހާން ހޮވިފައިވަނީ އޭޝިއާ ފެސިޕިކް ގްރޫޕުންނެވެ.
އައިޕީޔޫގެ ޑިމޮކްރަސީ އެންޑް ހިއުމަން ރައިޓްސް ކޮމިޓީއަކީ އެ ޔޫނިއަންގެ ދާއިމީ އެއް ކޮމިޓީ އެވެ. ކޮމިޓީގެ ބައްދުވުންތައް އޮންނާނީ ޔޫނިއަންގެ އެސެމްބްލީތަކުގަ އެވެ. އެއީ އަހަރަކު ދެ ފަހަރު ބާއްވާ ކޮމިޓީ ބައްދަލުވުމެކެވެ.
ޖީހާން ކޮމިޓީއަށް އިންތިހާބުވުމާއި ގުޅިގެން ރައްޔިތުންގެ މަޖިލީގުގެ ރައީސް، ރައީސް މުހައްމަދު ނަޝީދު ވަނީ ޓްވީޓެއް ކުރައްވައި މަރުހަބާ ދަންނަވާފަ އެވެ. އެމަނިކުފާނު ވަނީ، ކޮމިޓީއަށް ޖީހާން އައްޔަނު ކުރަން ވޯޓު ދެއްވި ހުރިގާ ގަމަކަށް ޝުކުރު ދަންނަވާފަ އެވެ.
ރައީސް ނަޝީދު ވިދާޅުވީ ހައްގުތަކަށް ވަކާލާތު ކުރެއްވުމުގައި ޖީހާން ފަސްޖެހިވަޑައި ނުގަންނަވާނެކަމުގެ ފުރިހަމަ ޔަގީންކަން އެބައޮތް ކަމަށެވެ.
Congratulations Hon. MP @JeehanJMS for being elected to @IPUparliament Committee on Democracy and Human Rights. I am sure you will do a great job and stand up for democratic rights across the world. https://t.co/uxnwFQyBQZ
— Mohamed Nasheed (@MohamedNasheed) July 10, 2021
ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީގެ މުގައްރިރުކަން ވެސް ކުރައްވާ ޖީހާން، އައިޕީޔޫގެ ޑިމޮކްރަސީ ނެޓްވޯކަށް އިންތިހާބުކޮށްފައި ވަނީ ދެ އަހަރު ދުވަހުގެ މުއްދަތަކަށެވެ.
އެ މުއްދަތު ހަމަވާނީ 2023 ގަ އެވެ.