ކުށް ކުރާ މީހުން މުޖުތަމައުއަށް ހިދުމަތް ކުރުމުގެ މަޝްވަރާތައް ކުރިޔަށް!

ކުށް ކުރާ މީހުންނާއި ގައިދީން، މުޖްތަމައަށް ޚިދުމަތް ކުރުމުގެ އަދަބު ތަންފީޛުކުރުމާއި ބެހޭގޮތުން، މަޝްވަރާކޮށްފިއެވެ.

މިިނިސްޓްރީ އޮފް ހޯމް އެފެއާޒުންނާއި މޯލްޑިވްސް ކަރެކްޝަނަލް ސާވިސްއިން އިސްނަގައިގެން ކުރިއަށް ހިންގުމަށް ހަމަޖެހިފައިވާ މި ގަވާއިދުގެ ދަށުން ގައިދީންނާއި ކުށް ކުރާ މީހުންނަށް އިޖުތިމާއީ އެކިއެކި މަސައްކަތްތައް ކުރެވޭ އުސޫލެއް ކަނޑައެޅޭނެއެވެ.

އަދި މި އުސޫލުގެ ދަށުން ސަރުކާރުގެ ދަށުން ހިނގާ އެކި ކުންފުނިތަކާއި، ކައުންސިލްތަކާއި އެހެނިހެން ތަންތަނުގައި ގައިދީންނާއި ކުށް ކުރާ މީހުންނަށް މަސައްކަތްކުރެވޭނ ނިޒާމެއް އެކުލަވައިލުމަށް ކަރެކްޝަނުންނާއި ހޯމް މިނިސްޓްރީން މަސައްކަތްކުރަމުން ގެންދާކަމަށް މޯލްޑިވްސް ކަރެކްޝަން ސާވިސްގެ މީޑިއާ އޮފިޝަލް ޔުސްރީން ވަނީ ވިދާޅުވެފަ އެވެ.

އެމްސީއެސްއާއި ހޯމް މިނިސްޓްރީ ގުޅިގެން، ދިވެހިރާއްޖޭގެ ސުޕްރީމް ކޯޓުން ނެރުނު "ޝަރީޢަތުން އަދަބު ކަނޑައެޅުމުގައި ޢަމަލުކުރާނެ ގޮތުގެ އުޞޫލު (ނރ.02/2021)" ގެ ދަށުން މުޖްތަމައަށް ޚިދުމަތްކުރުމުގެ އަދަބު ތަންފީޛުކުރުމާބެހޭގޮތުން، ވެމްކޯގެ ބޭފުޅުންނާ މިއަދު ބައްދަލުކޮށްފި pic.twitter.com/jvtxDwJAgA

— Maldives Correctional Service (@CorrectionsMv) August 5, 2021

ހަމައެހެންމެ މި ގަވާއިދު އެކުލަވާލުމާއިއެކު މި ގަވާއިދާއި އެއްގޮތަށްް އަމަލު ކުރެވެމުން ގެންދާނެކަމަށްވެސް ޔުސްރީން ވަނީ ވިދާޅުވެފަ އެވެ.

ހެލްތު މިނިސްޓްރީންނާއި ކަރެކްޝަނުން މިކަމާއި ގުޅޭގޮތުން މާލެ ވޯޓާ ސިވަރޭޖް ކޮމްޕެނީއާއި، މޯލްޑިވްސް ޕޯޓްސް ލިމިޓެޑްގެ އިތުރުން ވޭސްޓް މެނޭޖްމަންޓް ކޯޕޮރޭޝަން ލިމިޓެޑް (ވެމްކޯ) އާއި މަޝްވަރާކޮށްފައިވެ އެވެ.

މި މަޝްވަރާތަކަށް ފަހު ކޮމިޝަނާރ އޮފް ޕްރިޒަންސް އަހުމަދު މުހައްމަދު ކުރައްވާފައިވާ ޓްވީޓެއްގައި ވިދާޅުވީ، ގާނޫނީ އުގޫބާތުގެ ދަށުން ކުދި ކުށްތައް ކުރާ މީހުންނަށް ޖަލު ނޫން އަދަބު ތަންފީޒު ކުރުމުގެ ގޮތުން “މުޖުތަމައުއަށް ހިދުމަތް ކުރުވުން” އެއީ އަދަބެއްގެ ގޮތުގައި ތަންފީޒު ކުރުވުމަށް އެކުލަވާލަން ޖެހޭ އުސޫލު އެކުލަވާލާ، އޮނިގަނޑު ބިނާ ކުރުމުގެ މަސައްކަތް ކުރެވެމުން ދާ ކަމަށެވެ.