މޫސުމަށް އަންނަ ބަދަލުތަކުގެ އަސަރު އެންމެ ބޮޑަށް ކުރާ، ރާއްޖެ ނެތިގެން ދިއުމުގެ ފުރުސަތު ބޮޑުވަމުންދާކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ދުނިޔޭގެ ފިނިހޫނުމިނަށް މިވަގުތު އަންނަ ބަދަލުތަކާއި، އޭގެ ސަބަބުން މޫސުމަށް ކުރާ އަސަރުތަކުގައި ކަނޑުގެ ލޮނުގަނޑު އުފުލެމުންދާތީ އެކަމުގެ ކަންބޮޑުވުން އަބަދުވެސް އޮވެ އެވެ. އަދި މޫސުމަށް ކުރާ ނޭދެވޭ އަސަރުތައް ހިމެނޭ ރިޕޯޓެއް ހިއްސާކޮށް ރައީސް ނަޝިދު ވިދާޅުވީ ރާއްޖެ ގެއްލިގެން ދިއުމުގެ ބިރު އިތުރުވަމުން އަންނަ ކަމަށެވެ.
މޫސުމަށް އަންނަ އަވަސް ބަދަލުތަކަށް ކަންބޮޑުވުންފާޅުކޮށް ރައީސް ނަޝީދު ވިދާޅުވީ، މިއީ ކުދި ޖަޒީރާ ގައުމުތަކަށް އޮތް ބިރެއްކަމަށެވެ. މިއީ ދުނިޔޭގެ ބޮޑެތި ގައުމުތަކުން، ޖަޒީރާ ގައުމުތަކުންވެފައިވާ އިހުމާލެއްގެ ގޮތުގައި އެމަނިކުފާނު ފާހަގަ ކުރެއްވި އެވެ.
This report is devastating news for the most climate-vulnerable countries like the Maldives. It confirms we are on the edge of extinction. climate emergency is intensifying, we are on the front lines. Our nations are already battered by extreme climate .https://t.co/LL4DrCBbLp
— Mohamed Nasheed (@MohamedNasheed) August 9, 2021
ރައީސް ނަޝީދުގެ އެ ޓްވީޓުގައި ވާ ގޮތުން، ރާއްޖެ މިއޮތީ ނެތި ދިއުމުގެ ތުންފަތް މަތީގަ އެވެ.
ބީބީސީގެ، ކްލައިމެޓް ޗޭންޖް ރިޕޯޓުގައިވާ ގޮތުން ދުނިޔޭގެ ފިނިހޫނުމިން މިހާރު ވަނީ 1.2 ޑިގްރީ ސެލްސިއަސްއަށް އުުފުލިފަ އެވެ. މިއީ ޖައްޗަށް ދޫކުރާ ވިހަ ގޭސްތަކުގެ ސަބަބުން، ކަނޑުފެ ލޮނުގަނޑު އުފުލެމުންދާ މިންވަރަށް އެއްވެސް މަޑުޖެހުމެއް ނާންނަކަން ފާހަގަ ކުރި އެވެ. ދުނިޔޭގެ ފިނިހޫނުމިން ރިކޯޑު މިންވަރަކަށް އިތުރުވެފައިވާކަން ފާހަގަކޮށް ރިޕޯޓުގައި ބުނެފައިވަނީ، އޭގެ ސަބަބުން ހޫނު ގަދަވެ ގަސްތައް ބޯ ސަރަހައްދުތަކުގައި އަލިފާނުގެ ހާދިސާތައް ހިނގާ މިންވަރު ކުރިއާއި އަޅާބަލާ ވަރަށް ބޮޑުތަނުން އިތުރުވެފައިވާ ކަމަށެވެ.
ރިޕޯޓުގައި ވާ ގޮތުން ޔޫއެންއިން މޫސުމަށް އަންނަ ބަދަލުތަކާއި ގުޅޭގޮތުން 14،000 އެއްހާ ސައިންޓިފިކް މައުލޫމާތު ހިމެނޭ ލިޔެކިއުންތައް ދިރާސާ ކުރި އެވެ.
advertisment