ދެވަނަ ޑޯޒް ފުރިހަމަ ކުރި މީހުންގެ އަދަދު ތިން ލަކައާއި ގާތަށް!

އެގޮތުން އެތާރީހުގައި އަތޮޅުތެރެއިން 282 މީހަކު ވެކްސިންގެ ފުރަތަމަ ޑޯޒް ޖަހާފައިވާއިރު، 255 މީހަކު އަޔޮޅުތެރެއިން ދެވަނަ ޑޯޒް ފުރިހަމަ ކޮށްފައިވެއެވެ.

ވެކްސިން ޖެހުމަށް އެއްބާރު ދިނުމަށްޓަކައި އެޗްޕީއޭއިން ވަނީ މިހާރު އެޕޮއިންޓްމެންޓަކާއި ނުލައިވެސް ވެކްސިން ޖެހޭނެ އިންތިޒާމެއް ހަމަޖައްސާފައެވެ.

ކޮވިޑުން ރައްކާތެރިކަން ހޯދުމަށް ރާއްޖޭގައި ޖަހަނީ ހަތަރު ވައްތަރެއްގެ ވެކްސިނެވެ. އެއީ ކޮވިޝީލްޑް ވެކްސިނާއި ސިނޮފާމް ވެކްސިންގެ އިތުރުން ފައިޒާ ވެކްސިނާއި، އެސްޓްރަޒެނެކާއެވެ.

އަދި ސަރުކާރުން ވަނީ ރާއްޖޭގެ ވެކްސިން ޖެހޭ އާބާދީގެ 90 އިންސައްތަ މީހުންނަށް ވެކްސިން ދިނުމަށް އަމާޒުހިފާފައެވެ.

މި އާބާދީގެ ހުރިހާ ރައްޔިތުންނަށް ބޭނުންވާ މިންވަރަށް ރާއްޖެއަށް ވެކްސިން ލިބިފައިވާއިރު، މިއީ ރާއްޖެއަށްވުރެ ކުރިއަރާފައިވާ ޤައުމުތަކާއި އަޅާބަލާއިރުވެސް ބޮޑު ކުރިއެރުމެއް ކަމަށް ރައީސް އޮފީހުން ވަނީ ބުނެފަ އެވެ.

މީގެ އިތުރުން އިއްޔެއިން ފެށިގެން، އުމުރުން 12 އަހަރާއި 17 އަހަރާއި ދެމެދުގެ ކުދިންނަށް ފައިޒާ ވެކްސިން ދިނުމުގެ ޕްރޮގްރާމް ވަނީ ފަށާފަ އެވެ. ސްކޫލު ދަރިވަރުންނަށް ވެކްސިން ދިނުމުގެ ޕްރޮގްރާމް ކުރިޔަށް ގެންދާނީ އެ ސްކޫލެއްގެ ހޯލެއްގައި އެޗްޕީއޭއިން ގާއިމްކޮށްފައިވާ ވެކްސިން ސެންޓަރު މެދުވެރިކޮށެވެ.

ދަރިވަރުންގެ ރައްކާތެރިކަމަށް އަޅާ ފިޔަވަޅެއްގެ ގޮތުން، އަންނަ މަހުގެ އެއްވަނަ ދުވަހުން ފެށިގެން ވެކްސިން ފުރިހަމަ ނުކުރާ މުވައްޒަފުންނާއި، ޓީޗަރުން އަދި ބެލެނިވެރިންނަށް ސްކޫލުގެ ތެރެއަށް ވަނުމުން މަނާވާނެ އެވެ. އެކަން ކަށަވަރު ކުރުމަށް އެޑިއުކޭޝަނުން ވަނީ ވެކްސިން ފުރިހަމަ ކުރިކަން އަންގައިދޭ ކާޑެއް ތައާރަފް ކުރުމަށް ނިންމާފަ އެވެ.