މިދިޔަ މަހު ރާއްޖެ އައި ޓޫރިސްޓުންގެ އަދަދު ޖުލައި މަހާ އަޅާ ބަލާއިރު 41 ޕަސެންޓް އިތުރުވެއްޖެއެވެ.
އިމިގްރޭޝަނުން މިއަދު އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި މިދިޔަ މަހު ރާއްޖެއަށް 143،599 ފަތުރުވެރިން އައިސްފައިވެއެވެ. އެއީ ދުވާލެއްގެ މައްޗަށް އެވްރެޖުކޮށް 4،631 ފަތުރުވެރިންނެވެ.
މިދިޔަ މަހު އެންމެ ގިނައިން ޓޫރިސްޓުން އައީ އިންޑިއާ އިންނެވެ. އެއީ 54،094 ޓޫރިސްޓުންނެވެ. ދެވަނަ އަށް އެންމެ ގިނަ ޓޫރިސްޓުން އައިސްފައިވަނީ ރަޝިއާ އިން ކަމަށްވާއިރު އެގައުމުން ވަނީ 17،069 ފަތުރުވެރިން އައިސްފައެވެ.
މީގެއިތުރުން މިދިޔަ މަހު ރާއްޖެ އަށް އެންމެ ގިނަ އަދަދަކަށް ޓޫރިސްޓުން އައި ގައުމުތަކުގެ ތެރޭގައި ޖަރުމަނާއި، ސްޕެއިން އާއި ސައުދީ އަރަބިއްޔާގެ އިތުރުން އެމެރިކާ ހިމެނެއެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާ ގޮތުގައި މިއަހަރުގެ މިހާތަނަށް ރާއްޖެއަށް 750،000 ވުރެ ގިނަ ފަތުރުވެރިން އައިސްފައިވެއެވެ.