ރާއްޖޭގައި ވަރަށް އަވަހަށް ބޮމެއް ގޮއްވާލާނެ ކަމަށް ބުނެ އިންޒާރު ދީފި އެވެ.
ނޫރު މިސްކިތު ތަނބެއްގައި ބަޔަކު ލިޔެފައިވާ ލިޔުމެއް މިހާރު ވަނީ ސޯޝިއަލް މީޑިއާގައި އާންމުވެފަ އެވެ.
އެ ލިޔުމުގައި ވަނީ ރާއްޖޭގައި ގަދަވާނީ “ބަންގާޅިން” ކަމަށާއި ބޭނުން ގޮތެއް ހަދައިލާނެ ކަމަށެވެ. އަދި ވަރަށް އަވަހަށް ބޮމެއް ގޮއްވާލައި ދިވެހި ގައުމު ސުންނާފަތި ކޮށްލާނެ ކަމަށް ބުނެ އިންޒާރު ދީފައިވެ އެވެ.
މިކަމާ ގުޅިގެން ފުލުހުންގެ މީޑިއާ އޮފިޝަލު ވިދާޅުވީ ބޮމެއް ގޮއްވާލާނެ ކަމަށް ބުނެ ނޫރު މިސްކިތުގެ ތަނބެއްގައި ލިޔެފައިވާ މައްސަލަަ ފުލުހުންގެ ސަމާލުކަމަށް އައިސްފައިވާ ކަމަށެވެ. އަދި އެކަމާ ގުޅިގެން ބަލަން ޖެހޭ ކަންތައްތައް ބަލަމުންދާ ކަމަށެވެ.