ގަވައިދާ ހިލާފަށް ވަދެ އުޅުނު ބޭރުގެ ދެ މަސްބޯޓު އަތުލައިގެންފި

ގަވާއިދާ ހިލާފަށް ރާއްޖޭގެ ކަނޑުގެ ސަރަހައްދަށް ވަދެ އުޅުނު ބޭރުގެ ދެ މަސްބޯޓެއް އެމްއެންޑީއެފްގެ ކޯސްޓް ގާޑުން އިއްޔެ އަތުލައިގެންފި އެވެ.

އެމްއެންޑީއެފުން ބުނީ މި ދެ ބޯޓުގެ ތެރެއިން ފުރަތަމަ ބޯޓު ފެނިފައިވަނީ މި މަހުގެ 11 ވަނަ ދުވަހުގެ ހަވީރު 17:55 ހާއިރު ކަމަށާއި އަދި ދެވަނަ ބޯޓު ފެނިފައިވަނީ އިއްޔެ ފަތިހު 5:34 ހާއިރު ކަމަށެވެ.

އަތުލައިގެންފައި ވަނީ ކޮން ގައުމަކަށް ނިސްބަތްވާ ބޯޓުތަކެއް ކަމަށް އެމްއެންޑީއެފުން ހާމަކޮށްފައެއް ނުވެއެވެ.

މި އޮޕަރޭޝަން ކުރިއަށް ގެންދިޔުމުގައި “އަސުރުމާ 3” ދޯނިން އެމްއެންޑިއެފް ކޯސްޓްގާޑަށް ބޮޑު އެހީތެރިކަމެއް ލިބިފައިވާ ކަމަށްވެސް އެމްއެންޑީއެފުން ބުނެއެވެ.