ސަރުކާރު ހިންގާ މައި ޕާޓީ އެމްޑީޕީގެ ދާއިރާތަކުގެ އިންތިހާބަށް ކުރިމަތިލި ކެންޑިޑޭޓުންގެ ތެރެއިން 165 ކެންޑިޑޭޓަކު އިންތިހާބުގެ ވޯޓް ނެގުމުގެ ކުރީން ހޮވިއްޖެ އެވެ.
އެމްޑީޕީން މިއަދު ވަނީ އެ އިންތިހާބުގައި އެންމެ ކެންޑިޑޭޓެއް ކުރިމަތިލުމުން އިންތިހާބަކާއި ނުލައި ހޮވުނު ކެންޑިޑޭޓުންގެ ލިސްޓު އާންމުކޮށްފައެވެ. އެގޮތުން އިންތިހާބަކާ ނުލާ 165 ކެންޑިޑޭޓަކު ވަނީ ހޮވިފައެވެ.
އެމްޑީޕީގެ ގައުމީ މަޖިލީހުގެ އިންތިހާބު އޮންނާނީ މި މަހުގެ 25 ވަނަ ދުވަހު އެވެ. މި އިންތިހާބުގެ ވާދަވެރިކަން އެމްޑީޕީގެ އެތެރޭގައި ވަނީ ވަރަށް ބޮޑުވެފައެވެ.
މި އިންތިހާބުގައި އެމްޑީޕީގެ 90،000 އަށް ވުރެ ގިނަ މީހުންނަށް ވޯޓު ލުމުގެ ހައްގު ލިބެއެވެ. ޖުމްލަ 455 މަގާމަކަށް މީހުން އައްޔަނުކުރާއިރު 700 އަށް ވުރެ ކެންޑިޑޭޓުން މި އިންތިހާބުގައި ވާދަކުރެއެވެ.
advertisment