ބަރުލަމާނީ ނިޒާމަށް ތާއީދުކުރާ ގިނަ ކެންޑިޑޭޓުން އެމްޑީޕީ ގައުމީ މަޖިލީހަށް އިންތިހާބުވުމަކީ ލިބުނު ކުރިއެރުމެއް ކަމަށް އެ ޕަޓީގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިއަދު ކުރިޔަށް ގެންދިޔަ އެމްޑީޕީގެ ގައުމީ މަޖިލީހުގެ އިންތިހާބަކީ އެ ޕާޓީގެ އެތެރޭގެ އެންމެ ބޮޑު އިންތިހާބެވެ. އެމްޑީޕީގެ ގައުމީ މަޖިލީހަކީ ޕާޓީގެ އެންމެ މުހިންމު ނިންމުންތައް ނިންމާ ގުނަވަނެވެ. އަދި މިއީ ރާއްޖޭގައި ހަރަކާތްތެރިވަމުންދާ ސިޔާސީ ޕާޓީތަކުގެ ތެރެއިން އެންމެ ބޮޑު މަޖިލީސް މެއެވެ.
އެމްޑީޕީގެ އިސް ލީޑަރު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ތާއީދު ކުރެއްވި ގިނަ ކެންޑިޑޭޓުން ވަނީ އިއްޔެގެ އިންތިހާބުން ކާމިޔާބު ހޯދާފައެވެ. ރައީސް ސޯލިހު ފެކްޝަންގެ ކެންޑިޑޭޓުން ބަރުލަމާނީއާ ދެކޮޅެވެ.
ނަމަވެސް ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ ބަރުލަމާނީ ނިޒާމަށް ތާއީދުކުރާ ގިނަ ކެންޑިޑޭޓުން އެމްޑީޕީ ގައުމީ މަޖިލީހަށް އިންތިހާބުވުމަކީ ރާއްޖެއަށް ލިބުނު ކުރިއެރުމެއް ކަމަށެވެ.
ޕްރޮވިންސްތަކާއި ސިޓީތަކާއި ދާއިރާތަކަށް 455 މެންބަރުން އިންތިހާބު ކުރުމަށް ނެގި ވޯޓްގެ ވަރަށް ގިނަ ދާއިރާތަކެއްގެ ނަތީޖާތައް މިހާރު ވަނީ ސާފުވެފައެވެ. އިންތިހާބުގައި ކާމިޔާބު ހޯދި 75 ޕަސެންޓް ކެންޑިޑޭޓުންނަކީ ރަައީސް ސޯލިހުގެ ތާއީދު އޮތް ކެންޑިޑޭޓުން ކަމަށް މައުލޫމާތު ލިބެއެވެ.
advertisment