އައިޖީއެމްއެޗް ހޮސްޕިޓަލްގައި މިއަދު ވިހެއި އެއްމާބަނޑު ތިން ކުދިން މަރުވެއްޖެ އެވެ.
މިއަދު ހެނދުނު މަރުވެފައި ވަނީ އައްޑޫ ސިޓީ ހިތަދޫގެ ދެމަފިރިއަކަށް ލިބުނު ތިން ފިރިހެން ކުދިންނެވެ. އެ ތިން ކުދިން މަރުވެފައި ވަބީ ރަނގަޅަށް އުފެދިފައި ނުވާތީ ކަމަށް މައުލޫމާތު ލިބެއެވެ. އެ ކުދިން އުފަންވީ 21 ހަފްތާގައެވެ.
މިކުދިން މަރުވީ އަންހެންމީހާގެ ފެންދުލި ފަޅައިގެން ގޮސްގެން، ދުވަސް ނުފުރާ ވިހެއުމަށްފަހު ފަރުވާދެމުން ދަނިކޮށް ކަމަށް މައުލޫމާތު ލިބެއެވެ.
އާއިލާގެ ފަރާތުން ބައެއް މީޑިއާތަކަށް ބުނެފައިވަނީ މި ތިންކުދިން މަރުވީ އުފަންވިތާ ހަގަޑިއެއްހާއިރު ފަހުންނެވެ. ކުދިން މަރުވި ވިހެއުމަށްފަހު އެންއައިސީޔޫގައި ފަރުވާދެމުން ދަނިކޮށެވެ.