ފުޅަދޫ އާ އިންޖީނުގޭގެ މަސައްކަތް ނިމިއްޖެ

ބ. ފުޅަދޫ އައު އިންޖީނު ގޭގެ ހުރިހާ މަސައްކަތެއް ނިމިފައި ވާކަމަށް ފެނަކަ ކޯޕަރޭޝަނުން ބުނެފިއެވެ.

ފުޅަދޫގައި މީގެ ކުރިން ކަރަންޓުގެ ހިދުމަތް ދިނުމަށް ބޭނުން ކުރަނީ 160، 128 އަދި 80 ކިލޯވޮޓުގެ 3 ޖަނަރޭޓަރެވެ. އެހެން ނަމަވެސް އައު އިންޖީނުގެ ހުޅުވިގެން މިދިޔައީ، ކެޕޭސިޓީ އިތުރަށް ފުރިހަމަ ކުރުމަށްފަހު 250 ކިލޯވޮޓުގެ އާ އިންޖީނަކާއެކުކަމަށް ފެނަކައިން ބުނެއެވެ.

ފެނަކައިން ބުނީ، ފުޅަދޫ އާ އިންޖީނުގޭގެ މަސައްކަތް ނިމި, އައު އިންޖީނުގެއިން އެ ރަށުގެ ރައްޔިތުންނަށް ކަރަންޓުގެ ހިދުމަތް މިމަހު 15 ގައި ދޭން ފެށިފައިވާކަމަށެވެ.

އާ އިންޖީނުގޭގައި އިންޖީން ރޫމާއި، ޕެނަލް ރޫމްގެ އިތުރުން އޮފީސް ބައެއްވެސް ހުންނާނެ ކަމަށާއި، މީގެ ކުރިން ދިމާވި އެތައް ކަމަކަށް އައު އިންޖީނުގޭގެ ސަބަބުން ހައްލު ލިބިގެން ދާނެ ކަމަށްވެސް ފެނަކައިން ބުނެއެވެ.