މާލޭގެ މިސްކިތެއްގެ ފަންކާގައި އެއްޗެހި ހިއްކަން އެޅި މީހަކު ހައްޔަރުކޮށް ބަންދަށް ހަތް ދުވަސް ޖަހައިފި އެވެ.
ފުލުހުން ބުނީ މިސްކިތެއްގެ ހުރުމަތް ކެނޑޭގޮތަށް އަމަލުކުރި ކަމުގެ ތުހުމަތުގައި ދިވެހި ފިރިހެނަކު އިއްޔެ ހައްޔަރުކޮށްފައިވާ ކަމަށެވެ.
މި މައްސަލައާ ގުޅިގެން ހައްޔަރުކޮށްފައިވަނީ އުމުރުން 39 އަހަރުގެ ދިވެހި ފިރިހެނެކެވެ. އޭނާ ހައްޔަރުކުރީ މިސްކިތުގައި ހުރި ފަންކާގައި އެއްޗެހި ހިއްކަން އުޅުމުގެ ތުހުމަތުގަ އެވެ. އޭނާ ވަނީ ބަންދު ޖަހަން ކޯޓަށް ގެންދިޔުމުން އެކަމަށް އެއްބަސްވެފައެވެ.
ކޯޓުން ވަނީ މިސްކިތުގެ ހުރުމަތް ކެނޑުމަކީ މުޖުތަމައުގެ ކަންބޮޑުވުން އޮތް ކަމެއް ކަމަށްވާތީ އޭނާގެ ބަންދަށް ހަތް ދުވަސް ޖަހާފައެވެ.