ކ. އަތޮޅުގެ ފަރަކަށް އެރި ފިއުލް ސަޕްލައި މޯލްޑިވްސް (އެފްއެސްއެމް) އިން އޮޕަރޭޓްކުރަމުން އަންނަ ތެޔޮ ބާޖު މިއަދު ފުންކޮށްފައިވާ ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.
ޓްވީޓެއްކޮސް އެމްއެންޑީއެފުން ބުނީ ކ. ރަންނާޅި ރިސޯޓު ކައިރީ އޮތް ފަރަކަށް އެރި “މެކުނު” ކިޔާ މި ބާޖު ފުންކުރީ މިއަދު ހަވީރު ކަމަށެވެ.
މި ބާޖު ފަރަށް އެރީ މިދިޔަ ބުދަ ދުވަހުގެ ރޭގައި ކަމަށް އެމްއެންޑީއެފުން މައުލޫމާތު ދެއެވެ.
6 ޖެނުއަރީ 2022 ވަނަ ދުވަހުގެ މެންދަމުގެ ވަގުތެއްގައި ކ.ރަންނާޅި ރިސޯޓު ކައިރިން ފަރަށްއެރި އެފްއެސްއެމްގެ "މެކުނު" ބާޖު މިއަދުގެ މެންދުރުފަހު 16:45 ގައި ވަނީ ފުން ކުރެވިފައެވެ. pic.twitter.com/Mqgdas9BU7
— Maldives National Defence Force (@MNDF_Official) January 7, 2022
ދިގުމިނުގައި 24 މީޓަރު ހުންނަ މި ބާޖު ފަރަށް އަރަން ދިމާވި ސަބަބެއް އަދި ސާފުވެފައެއް ނުވެއެވެ.
މި ބާޖު ފުންކުރުމުގެ މަސައްކަތް ކުރީ އެމްއެންޑީއެފްގެ ކޯސްޓްގާޑް ސެކަންޑް ސްކޮޑްރަންގެ އުޅަނދުފަހަރެވެ. އަދި މި ބާޖު ފަރަށް އެރިއިރު އޭގައި ހުރީ ކިހާ ތެލެއް ކަމެއް ނޭނގުނު ނަމަވެސް، އެމްއެންޑީއެފުން ބުނީ ތެޔޮ ލީކުވެފައި ނުވާ ކަމަށެވެ.