އައްޑޫ ސިޓީގައި ސޯޝަލް އަދި ރެޒިޑެންޝަލް ހައުސިންގ ޔުނިޓު އެޅުމަށް ބަޔަކާއި ހަވާލުކޮށްފިއެވެ.
އައްޑޫ ސިޓީ ކައުންސިލުން މި މަސައްކަތް ހަވާލުކޮށްފައި ވަނީ ޗައިނާ އަދި ތުރުކީގެ ކުންފުންޏަކާއެވެ.
އައްޑޫ ސިޓީގައި އާބާދީ އިތުރުވެ ގޯތި ދޫނުކުރާތާ ގިނަ އަހަރުވެފައިވުމުގެ ސަބަބުން ކުރިމަތިވެފައިވާ ބޯހިޔާވަހިކަމުގެ މައްސަލަ ހައްލުކުރުމަށް އެސިޓީ ކައުންސިލުން އަންނަނީ މަސައްކަތް ކުރަމުންނެވެ. މީގެދަށުން އައްޑޫގައި ސޯޝަލް އަދި ރެޒިޑެންޝަލް ހައުސިންގ ޔުނިޓުތަކެއް ގާއިމުކުރުމަށް ވަނީ އެއްބަސްވުން އެކުލަވާލާފައެވެ.
އައްޑޫ ސިޓީ ކައުންސިލުން ވިދާޅުވީ ސޯޝަލް ހައުސިންގ ޔުނިޓު އެޅުމަށް އެއްބަސްވުން އެކުލަވާލާފައި ވަނީ ޗައިނާގެ ބީޔޫސީއެންޖީ ކުންފުންޏާއެކު ކަމަށެވެ. އަދި ރެޒިޑެންޝިއަލް ހައުސިންގ ޔުނިޓު އެޅުމަށް ހަވާލުކޮށްފައިވަނީ ތުރުކީގެ ވިޒްޔޮން ވިލާއާއެކުކަމަށް މައުލޫމާތު ދެ އެވެ.
އައްޑޫ ސިޓީގައި 1000 އާއި 2000 އާއި ދެމެދުގެ ސޯޝަލް ހައުސިންގް ޔުނިޓް އެޅުމަށް އައްޑޫސިޓީ ކައުންސިލް އާއި ޗައިނާގެ ބީ.ޔޫ.ސީ.އެން.ޖީ ކުންފުންޏާއި ދެމެދުވެވުނު ފްރޭމްވޯކް އެގްރީމަންޓްގައި ސޮއިކުރުމާއި، 1/2 pic.twitter.com/MN8kj4Nm8a
— Addu City Council (@AdduCityCouncil) January 13, 2022
ޗައިނާގެ ކުންފުންޏާއެކު ވެވުނު އެއްބަސްވުމުގެ ދަށުން އައްޑޫ ސިޓީގައި 1000އާއި 2000 ސޯޝަލް ހައުސިންގ އެޅުމުގެ މަސައްކަތް ފެށުމަށްވަނީ ހަމަޖެހިފައިވާކަމަށް އައްޑޫ ސިޓީ ކައުންސިލުން ބުނެފައިވެއެވެ. މިއީ ފްލެޓު އުސޫލުން އެޅުމަށް ހަމަޖެހިފައިވާ ހައުސިންގ ޔުނިޓުތަކެއްކަމަށް ވެސް ބުނެފައިވެއެވެ.