ސަރުކާރުގެ ކޯލިޝަންގައި ހިމެނޭ އަދާލަތު ޕާޓީއިން ޕީޕީއެމް ގެ މެމްބަރުންތައް ވަގައްނަގާކަމަށް ތުހުމަތު ކޮށް އެ ޕާޓީއަށް މެމްބަރެއްގެ ފަރާތުން މަައްސަލައެއް ހުށައެޅުމާއެކު، ޕީޕީއެމް އިން އެކަމާއި ގުޅޭ ތަފްސީލްތައް ހިމެނޭ ވީޑިއޯއެއް ޓްވިޓާރގައި އާއްމުކޮށްފިއެވެ.
ޕީޕީއެމްގެ މެމްބަރެއްކަމަށް ބުނެ މީހަކު ވާހަކަދައްކާފައިވާ މި ވީޑިއޯގައި އެނާ ބުނެފައިވަނީ އެ އާއިލާއަށް ނިސްބަތްވާ އެތައް މެމްބަރުންނެއް އޮޅުވާލައިގެން އަދާލަތު ޕާޓީގެ ދަފްތަރުގައި ޖައްސާފައިވާކަމަށެވެ. އަދި މިކަން ފާހަގަ ކުރެވުމުން ކަން ހިންގާފައިވާ ގޮތް ސާފުކުރުމަށް އިލެކްށަންސް ކޮމިޝަންއަށް ސިޓީ ހުށައަޅައިފައިވާނެކަމާށާއި އެހެންކަމުން އެ ކޮމިޝަން އިން އެ ޕާޓީއިން ވަކިވުމަށް އިރުޝާދު ދިން ކަމަށެވެ. އަދި ފޯމު ހޯދަން އެދުމުން އެ ނުލިބޭނެކަމަށްވެސް ބުނި ނަމަވެސް އަދާލަތު ޕާޓީއިން ހުށައަޅާފައިވާ އެ ފޯމު ހޯދަން ރަސްމީކޮށް ސިޓީއަކުން އެދި އެތައް މަސައްކަތަކުން އެ ހޯދައިފައިވާނެކަމަށްވެސް މި ވީޑިއޯގައި ވާހަކަދައްކާ މަންޒަރުން ފެންނަ އަންހެން މީހާ ބުނެފައިވެއެވެ.
އިންގިލީގެ ނިޝާން ޖަހާފައިވާ ފޯމެއް ހިފައިގެން އިންދެ ވާހަކަދައްކަމުން އެ މީހާ ބުނެފައިވަނީ ޝަރީއަތަށް މި މައްސަލަ ހުށައަޅާނެކަމަށާއި އެ ފޯމުގައި ޖަހާފައިވާ ފިންގާރ ޕްރިންޓް އަކީވެސް އެނާގެ އަތުގެ އިންގިލީގެ ނިޝާން ނޫންކަމަށާއި އެއީ މީހަކުގެ ފައިގެ ބޮޑުވައިި އިންގިލީގެ ނިޝާން ކަމަށް ތުހުމަތުކޮށް އެނާ ވަނީ އަދާލަތު ޕާޓީއިން ވައްކަން ކުރަމުން ދާކަމުގެ އިންޒާމު އަޅުވާފައިއެވެ.
ޕީޕީއެމްއަށް ސޮއިކޮށްފައިވާ އާއިލާއެއް އަދާލަތު ޕާޓީއަށް އެފަރާތްތަކަށް ނޭނގި ވައްދާފައިވާތީ އެ ޢާއިލާގެ ފަރާތުން މިމައްސަލަވަނީ ޕީޕީއެމަށް ހުށައަޅާފައި. އަދާލަތުން ހުށައަޅާފައިވާ ފޯމުގައި ގުޅޭނެ ކަމަށް ބުނެފައިވަނީ ރަޖިސްޓްރީ ކޮށްފައިވާ ނަމްބަރެއް ނޫން. 1/3 pic.twitter.com/l3Kx6YGy3G
— Progressive Party of Maldives (@ProgressPartyMV) April 28, 2022
މިކަމާއި ގުޅިގެން ޕީއެންސީގެ ނައިބު ރައިސް އަދި ހުޅުމާލެ ދާއިރާގެ ކައުންސިލް މެމްބަރު ޝުޖާއުވެސް ވަނީ ފާޑުވިދާޅުވެފައިއެވެ. އެހެންމުން ޓްވިޓާރ މެދުވެރިކޮށް އެނާ ވިދާޅުވެފައިވަނީ ޕީޕީއެމްގެ އާއިލާއެއް އަދާލަތު ޕާޓީއަށް “ވަގަށް” ވެއްދި ކަމުގެ ޝަކުވާއެއް ލިބުމުން މައްސަލާއާއި ގުޅޭ ފޯމު ބަލައި ފާސްކުރުމުން އޭގައި ޖަހާފައިވާ ނަމްބަރަކީ ވުޖޫދުގައިވެސް ނުވާ ނަމްބަރެއްކަމަށާއި ހެކިވެރިންގެ ގޮތުގައި ޖަހާފައިވާ މީހުންނަށް ގުޅުމުން އެއީ އެފަރާތްތައް ނޫންކަމަށްވެސް ފާހަގަކުރެވިފައިވާކަަމަށެވެ.
ހެކިވެރިންނަށް ޖަހާފައިވާ ފަރާތްތަކަށް ގުޅުމުން އެއީ އެފަރާތްތައް ނޫންކަމަށާއި،ނަންބަރަކީ ވެސް ނުބައި ނަމްބަރެއްކަމަށް ވިދާޅުވި.ޕީޕީއެމްގެ ދަފްތަރުން ވައްކަން ކުރާވާހަކަ އަޅުގަނޑުމެން ދައްކަނީ އެކަމުގެ ހަޤާީގަތް އޮތީމަ.ތާއީދު ނެތިއްޔާ ސިޔާސީ ކަންކަމުގަ ނޫޅެބަލަ @ShimranAb
2/3— Ibrahim Shujau (@IbrahimShujaau) April 28, 2022
މިމައްސަލަ އަޅުގަނޑުމެން ކޯޓަށް ހުށަހަޅާނަން.މިފަހަރު މިވައްކަން އަޅުގަނޑުމެން ހުއްޓުވާނަން.@ElectionsMv ގެ ދައުރު މިވައްކަމުގައި އޮތްތޯ ބަލަން ވަރަށް ފަސޭހަވެއްޖެ.އަދާލަތަށް 10ހާސް މީހުން ހަމަކުރީ މިފަދަ ނަހަލާލު ގޮތްގޮތައްކަން ވަރަށް ސާފު.@FuwadThowfeek @IsmailHabeeb
3/3— Ibrahim Shujau (@IbrahimShujaau) April 28, 2022
މި މައްސަލައިގައި އިތުރަށް ވާހަކަ ދައްކަވާ “ތާއީދު ނެތިއްޔާ ސިޔާސީ ކަންކަމުގައި ނޫޅެބަލަ” މިފަދައިން މިނިސްޓަރ އިމްރާން އަބްދުﷲ އަށް އިލްތިމާޒް ކުރަށްވާ ޝުޖާއު ވިދާޅުވީ މިކަން ކޯޓަށް ހުށައަޅައި އިންސާފު ހޯދާނެކަމަށާއި މިފަދައިން ތަކުރާރު ނުވާނެކަން ޔަގީން ކުރަށްވާ މި އަމަލުތަކުގައި އިލެކްޝަންސް ކޮމިށަން ގެ ދައުރެއް ވޭތޯވެސް ބަލާނެކަމަށެވެ. އަދި އަދާލަތު ޕާޓީއިން 10 ހާސް މެމްބަރުން ހަމަކުރީ މިމޭރުމުން ކަން ސާފުކަަމަށް އެނާ ވަނީ ތުހުމަތު ކުރަށްވާފައިއެވެ.
advertisment